ساؤتھ انڈین سنیما کے سپر اسٹار جونیئر این ٹی آر نے اپنی نئی پین انڈیا فلم’’ڈریگن‘‘( Dragon )کی ریلیز تاریخ کا اعلان کرتے ہوئے مداحوں میں جوش و خروش پیدا کر دیا ہے۔ یہ فلم معروف ہدایتکار پرشانت نیل کے ساتھ ان کا ایک بڑا پروجیکٹ ہے جس کا شدت سے انتظار کیا جا رہا ہے۔

جونیئر این ٹی آر کی فلم’’وار۲‘‘کے باکس آفس پر ناکامی کے بعد، وہ اس وقت پرشانت نیل کے ساتھ اپنی نئی فلم کی شوٹنگ کر رہے ہیں۔ یہ انتہائی متوقع پین انڈیا فلم مبینہ طور پر’’ڈریگن‘‘کے نام سے پیش کی جا رہی ہے، اور اپنی ۴۳؍ویں سالگرہ سے ایک ماہ قبل جونیئر این ٹی آر نے ایک نیا ٹیزر پوسٹر جاری کرتے ہوئے فلم کی ریلیز تاریخ کا اعلان کیا۔ انہوں نے یہ بھی بتایا کہ۲۰؍ مئی کو، یعنی ان کی۴۳؍ویں سالگرہ کے دن، مداحوں کو فلم کی پہلی جھلک دیکھنے کو ملے گی۔ 

HIS REIGN… HIS SOIL…
JUNE 11, 2027… IT IS…. #NTRNeel pic.twitter.com/ln9Dq4BFZs

— Jr NTR (@tarak9999) April 21, 2026

جونیئر این ٹی آر اور پرشانت نیل کی نئی فلم کی ریلیز ڈیٹ
یہ نئی فلم۱۱؍ جون۲۰۲۷ء کو سینما گھروں میں ریلیز ہوگی۔ حالیہ رپورٹس کے مطابق، فلم کے ہدایتکاروں نے مرکزی ولن کے کردارکیلئے شاہد کپور سے رابطہ کیا ہے، کیونکہ ٹوینو تھامس نے شیڈولنگ مسائل کی وجہ سے یہ پیشکش مسترد کر دی تھی۔ جونیئر این ٹی آر کے علاوہ، فلم میں رکمنی وسنت، بیجو مینن اور انیل کپور بھی شامل ہیں۔ مرکزی ولن کے حوالے سے مزید معلومات ممکنہ طور پر۲۰؍ مئی۲۰۲۶ء کو فلم کی پہلی جھلک کے ساتھ سامنے آئیں گی۔