نتیش تیواری کی زیر ہدایت بننے والی فلم ’’رامائن‘‘ کی پہلی جھلک منظرِ عام پر آ گئی ہے جس نے مداحوں میں زبردست جوش و خروش پیدا کر دیا ہے۔ رنبیر کپور، سائی پَلّوی، یش اور سنی دیول جیسے بڑے فنکاروں پر مشتمل یہ فلم ایک عظیم دیومالائی داستان کو جدید سینما کی زبان میں پیش کرے گی۔

نتیش تیواری کی سب سے زیادہ انتظار کی جانے والی فلم ’’رامائن‘‘کی پہلی جھلک جاری کر دی گئی ہے جسے دیکھنے کے بعد مداح پرجوش ہیں۔ رنبیر کپور، سائی پَلّوی، یش، سنی دیول اور روی دوبے جیسے بڑے ستاروں پر مشتمل یہ فلم شاندار منظرناموں اور بصری حسن کا شاہکار ثابت ہونے والی ہے۔ فلم کی پہلی جھلک کو ہر طرف سے محبت اور پذیرائی مل رہی ہے۔ مداحوں نے ویڈیو سے اپنے تاثرات شیئر کئے کچھ نے رنبیر کپور کے روپ کی تعریف کی، تو کچھ پسِ منظر میں بجنے والے موسیقی کے سحر میں کھو گئے۔ 

سوشل میڈیا پلیٹ فارم ’’ایکس ‘‘ پر ایک صارف نے ٹیزر کے بارے میں لکھا:’’تاریخ کی عظیم ترین فلم، عظیم ترین اداکار کے ذریعے، عظیم ترین مہاکاوی پر مبنی۔ ہیش ٹیگ رامائن۔ یہ پہلی بالی و وڈ فلم ہوگی جو ۱۰؍ ہزار کروڑ کا ہندسہ عبور کرے گی۔ یاد رکھنا میرے الفاظ!‘‘
ایک اور صارف نے لکھا:’’رنبیر کپور بطور شری رام۔ یہ ہائپ بالکل سچی ہے!‘‘
تیسرے صارف نے کہا:’’رنبیر کپور ’رامائن‘ کے ذریعے عالمی سنیما پر راج کرنے آ رہے ہیں !‘‘
ایک اور صارف نے موسیقار کو خراجِ تحسین پیش کرتے ہوئے لکھا: ’’ہنس زمر واقعی ایک جادوگر ہے، کیا شاندار بیک گراؤنڈ میوزک دیا ہے!! رونگٹے کھڑے ہو گئے!‘‘

Pure Goosebumps can`t wait for this 🙌🔥#Ramayana pic.twitter.com/DsxIb9hoRH

— Bunny Fan 🗡️ (@BunnyFanBoyy) July 3, 2025

فلم کے آغاز کا جشن ہندوستان کے نو بڑے شہروں میں ایک ساتھ اسکریننگز کے ذریعے منایا گیا اور اس کے ساتھ نیویارک کے ٹائمز اسکوائر پر بھی فلم کی خاص نمائش کی گئی جو اس منصوبے کے عالمی وژن کی عکاسی کرتا ہے۔ یہ فلم ایک دیومالائی دور میں ترتیب دی گئی ہے جہاں برہما، وشنو اور شو کی آفاقی تثلیث نظامِ کائنات کو چلاتی ہے۔ کہانی راون پر مرکوز ہے جو ایک غیر متوقع راکشس بچے کے طور پر جنم لیتا ہے اور کائناتی توازن کیلئے خطرہ بن جاتا ہے۔ اس توازن کو بحال کرنے کیلئے، وشنو بھگوان شری رام کے روپ میں زمین پر اوتار لیتے ہیں جس کے بعد ایک عظیم الشان تصادم کی بنیاد رکھی جاتی ہے۔ 

Ranbir Kapoor coming to rule the Global Cinema with Ramayana #RanbirKapoor #Ramayana pic.twitter.com/ZL6B7cUWQC

— RK (@Varun_RK88) July 3, 2025

فلم کو نامت ملہوترہ نے پروڈیوس کیا ہے اور یش اس کے شریک پروڈیوسر ہیں۔ فلم کو پرائم فوکس اسٹوڈیوز اور مانسٹر مائنڈ کریئیشنز کے اشتراک سے بنایا جا رہا ہے، جبکہ اس میں ڈی نیگ (DNEG) جو آٹھ مرتبہ آسکر ایوارڈ جیتنے والا وی ایف ایکس اسٹوڈیو ہے کے خصوصی اثرات شامل ہوں گے۔ پہلا حصہ دیوالی ۲۰۲۶ء میں عالمی سطح پر ریلیز کیا جائے گا، جبکہ دوسرا حصہ دیوالی ۲۰۲۷ء میں ریلیز ہوگا۔