اس کرسمس کے موقع پر،برہن ممبئی میونسپل کارپوریشن(بی ایم سی)نے بھاملا فاؤنڈیشن کے ساتھ مل کر، ایک خصوصی مہم ’سپر گرلز آف ٹومارو‘کا آغاز کیا جس کا مقصد ہندوستان کی بیٹیوں کو بااختیار بنانا اور انہیں تعلیم دینا ہے۔

 اس کرسمس کے موقع پر،برہن ممبئی میونسپل کارپوریشن(بی ایم سی)نے بھاملا فاؤنڈیشن کے ساتھ مل کر، ایک خصوصی مہم ’سپر گرلز آف ٹومارو‘کا آغاز کیا جس کا مقصد ہندوستان کی بیٹیوں کو بااختیار بنانا اور انہیں تعلیم دینا ہے۔ اس اقدام کی قیادت بھاملا فاؤنڈیشن کے بانی آصف بھاملا کر رہے ہیں۔اس مہم کے ایک حصے کے طور پر، بھاملا فاؤنڈیشن نے اداکارہ رانی مکھرجی کو فلموںکے ذریعےخواتین کو بااختیار بنانے میں ان کی نمایاں شراکت کیلئے’’ایکسی لینس ان ویمن ایمپاورمنٹ تھرو سنیما  ایوارڈ‘ سے نوازا۔ہندوستانی فلم انڈسٹری میں شاندار سفرکے ۳۰؍سال کا جشن منانے والی، رانی مکھرجی  ایک اہم مقام رکھتی ہیں۔ اپنے مضبوط، خودمختار اور متاثر کن کرداروں کے ذریعے، انہوں نے ہمیشہ خواتین کے وقار، مساوات اور احترام کی حمایت کی ہے۔ مردانی اور مسز چٹرجی ورسیز ناروے جیسی فلموںکے ذریعہ انہوں نے ایک طاقتور خاتون کا کردار پیش کیا ہے۔