پنجابی اداکارہ ایشا رِکھی ایک بار پھر خبروں میں ہیں، جہاں ریپر بادشاہ کے ساتھ ان کی مبینہ ازدواجی زندگی کے مسائل کے بعد اب ان کی ’’بگ باس ۲۰‘‘ میں ممکنہ انٹری کی خبریں گردش کر رہی ہیں۔ ایک رپورٹ کے مطابق ایشا رِکھی اور سوشل میڈیا شخصیت اریشفہ خان آئندہ سیزن میں شرکت کرنے والے ممکنہ امیدواروں میں شامل ہیں، تاہم شو میں ان کی شرکت کی باضابطہ تصدیق تاحال نہیں ہوئی۔

پنجابی اداکارہ ایشا رِکھی، جو حالیہ دنوں میں ریپر بادشاہ کے ساتھ مبینہ ازدواجی مسائل کے باعث خبروں میں رہی ہیں، اب ریالٹی شو ’’بگ باس ۲۰‘‘ میں بطور امیدوار شرکت کرنے کے حوالے سے قیاس آرائیوں کا مرکز بن گئی ہیں۔ رپورٹس کے مطابق ایشا رِکھی اور سوشل میڈیا شخصیت اریشفہ خان ان تازہ ناموں میں شامل ہیں جنہیں آئندہ سیزن کے لیے مبینہ طور پر حتمی قرار دیا گیا ہے۔ تاہم، شو میں ایشا کی شرکت کے حوالے سے فی الحال کوئی باضابطہ اعلان سامنے نہیں آیا۔

یہ بھی پڑھئے: ناگ ارجن نے تیلگو کے ساتھ ہندی فلموں میں بھی نام کمایا ہے

بادشاہ کے ساتھ ازدواجی زندگی میں مسائل؟

ایشا رِکھی کی ’’بگ باس‘‘ میں ممکنہ شرکت کی خبریں ایک ایسے وقت میں سامنے آئی ہیں جب بادشاہ کے ساتھ ان کے تعلقات توجہ کا مرکز بنے ہوئے ہیں۔ حال ہی میں ایشا کی جانب سے انسٹاگرام پر ایک مبہم پوسٹ شیئر کیے جانے کے بعد ان کی ازدواجی زندگی کے حوالے سے قیاس آرائیاں شروع ہوگئی تھیں۔ اداکارہ نے بادشاہ کے ساتھ اپنی چند تصاویر اور یادگار لمحات پر مشتمل ایک ویڈیو شیئر کرتے ہوئے لکھا تھا، ’’ہر طوفان ایک سبق ہے‘‘۔ اس پوسٹ کے بعد مداحوں نے قیاس کرنا شروع کردیا کہ شاید دونوں کے درمیان سب کچھ ٹھیک نہیں ہے۔ تاہم ایشا نے عوامی سطح پر یہ تصدیق نہیں کی کہ وہ اور بادشاہ علاحدہ ہوچکے ہیں۔ نہ ہی عائشہ اور نہ ہی بادشاہ کی جانب سے اپنی ازدواجی زندگی کے خاتمے سے متعلق کوئی باضابطہ اعلان کیا گیا ہے۔

دونوں اس وقت بھی خاصی توجہ کا مرکز بنے تھے جب ایشا نے رواں سال کے آغاز میں انسٹاگرام پر ’آسک می اینی تھنگ‘ سیشن کے دوران بادشاہ کے ساتھ اپنی شادی کی تصدیق کی تھی۔ رپورٹس کے مطابق تقریباً ۴؍ سال کی دوستی کے بعد مبینہ طور پر مارچ ۲۰۲۶ء میں ایک نجی تقریب کے دوران شادی کی۔ ان کی ذاتی زندگی کے حوالے سے سوشل میڈیا پر قیاس آرائیاں بدستور جاری ہیں، جبکہ ’’بگ باس ۲۰‘‘ میں ان کی ممکنہ شرکت کی صورت میں ان کے ذاتی تعلقات اور تجربات بھی شو میں گفتگو کا اہم موضوع بن سکتے ہیں۔ اگر ایشا واقعی شو کا حصہ بنتی ہیں تو بادشاہ کے ساتھ مبینہ ازدواجی مسائل بھی ان کے ’’بگ باس‘‘ سفر کے دوران زیر بحث آنے کا امکان ہے۔

یہ بھی پڑھئے: ’’ بگ باس ۲۰‘‘ میں بڑا اپ ڈیٹ، سلمان خان نے انکشاف کیا

ایشا رِکھی کا فلمی کیریئر

بادشاہ کے ساتھ تعلق کے علاوہ ایشا رِکھی پنجابی فلم انڈسٹری میں بھی اپنی شناخت بنا چکی ہیں۔ وہ ’’ہیپی گو لکی‘‘، ’’واٹ دی جٹ‘‘، ’’نوازادے‘‘ سمیت متعدد پنجابی فلموں میں اداکاری کرچکی ہیں۔ ’’بگ باس ۲۰‘‘ میں شرکت ایشا رِکھی کو ہندی بولنے والے ناظرین کی ایک بڑی تعداد تک پہنچنے کا نیا پلیٹ فارم فراہم کرسکتی ہے۔ فی الحال ’’بگ باس ۲۰‘‘ میں ان کی شرکت سے متعلق خبر قیاس آرائیوں تک محدود ہے، جبکہ بادشاہ کے ساتھ ان کی ازدواجی زندگی کے حوالے سے بھی سوشل میڈیا پر مختلف چہ مگوئیاں جاری ہیں۔