مرد اور خواتین اداکاروں کے درمیان تنخواہوں کا فرق طویل عرصے سے ہندوستانی فلم انڈسٹری میں بحث کا موضوع رہا ہے اور اکثر اداکاروں اور فلم سازوں کی طرف سے اس پر ردعمل آیا ہے۔

مرد اور خواتین اداکاروں کے درمیان تنخواہوں کا فرق طویل عرصے سے ہندوستانی فلم انڈسٹری میں بحث کا موضوع رہا ہے اور اکثر اداکاروں اور فلم سازوں کی طرف سے اس پر ردعمل آیا ہے۔ حال ہی میں سیف علی خان نے بالی ووڈ میں تنخواہوں کے فرق کے مسئلے پر رائے دی، اور کہا کہ اسٹارز کی تنخواہیں زیادہ تر مارکیٹ ویلیو اور باکس آفس کشش کی بنیاد پر دی جاتی ہیں، نہ کہ ان کے جنس کی بنیاد پر۔ انہوں نے کہا کہ وہ اداکار جو شائقین کو تھیٹرز تک لے جا سکتے ہیں، ان کو زیادہ معاوضہ دیا جاتا ہے اور یہ حقیقت ہے جسے انڈسٹری کے ہر فرد نے سمجھ لیا ہے۔
سیف علی خان نے بالی ووڈ میں تنخواہ کی برابری پر کھل کر بات کی 
سیف حال ہی میں اپنی بہن سوہا علی خان کے یوٹیوب چینل پر ان کے پوڈ کاسٹ میں نظر آئے، اور ان کے ساتھ کنال کھیموبھی شامل تھے۔ بالی ووڈ میں تنخواہوں کے فرق پر گفتگو کرتے ہوئے، سیف اور کنال نے کہا کہ تنخواہیں زیادہ تر باکس آفس کی معاشی  صورتحال پر منحصر ہیں اور اس کا صنف سے کوئی تعلق نہیں ہے۔ سیف نے کہا کہ وہ سمجھتے ہیں کہ برابر مرتبہ کے اداکاروں کو ایک جیسی تنخواہ دی جانی چاہیے، لیکن ساتھ ہی انہوں نے کہا کہ انڈسٹری میں تنخواہ آخرکار اقتصادی حقیقتوں کے مطابق چلتی ہے اور جو اداکار زیادہ شائقین کو تھیٹرز میں لے کر آتے ہیں، انہیں زیادہ معاوضہ ملتا ہے۔
انہوں نے کہاکہ اگر اداکار برابر مرتبہ کے ہیں  تو انہیں ایک ہی رقم دی جانی چاہیے لیکن میں یہ بھی سمجھتا ہوں کہ معیشت ایک مخصوص طریقے سے کام کرتی ہے۔ اگر آپ لوگوں کو تھیٹر میں بیٹھاتے ہیں  تو آپ کو اسی حساب سے معاوضہ ملتا ہے۔ ہر کوئی اس تعلق کو سمجھتا ہے۔

یہ بھی پڑھئے:ہماچل میں ریئل اسٹیٹ کے لیے پریمیم ایف اے آر اور ای وی چارجنگ پوائنٹس لازمی

سیف علی خان  نے مزید کہا کہ صنف کا اس سے کوئی تعلق نہیں اور تنخواہ اداکار کی باکس آفس کشش پر منحصر ہے۔یہ نہیں کہ آپ کسی جنس کے ہیں، اس لیے آپ زیادہ یا کم معاوضہ کے حقدار ہیں۔ یہ دراصل ایک بہت متوازن اقتصادی نظام ہے جہاں ہر کوئی جانتا ہے کہ یہ شخص سپراسٹار ہے کیونکہ وہ تھیٹر بھر رہا ہے۔ وہ اپنی قیمت جانتے ہیں، وہ رقم وصول کرتے ہیں، اور معاوضہ لیتے ہیں۔

یہ بھی پڑھئے:ٹی ۲۰؍ ورلڈ کپ کے بعد سوریہ کمار یادو کا اگلا ہدف: اولمپکس ۲۰۲۸ء میں گولڈ میڈل

کنال کھیمونے بالی ووڈ میں اداکاروں کی تنخواہوں پر  کیا کہا 
اس دوران، کنال کھیمونے کہا کہ اداکاروں کی تنخواہوں کے پیچھے ایک’’ریاضی‘‘ہے۔یہ ریاضیاتی حصہ ہے، یہ نہیں کہ فلم کام کرے گی یا نہیں  وہ ایک الگ بات ہے۔ پہلے، ڈسٹریبیوٹرز جانتے تھے کہ اگر میرے پاس یہ اداکار ہے، تو میں ایک مخصوص علاقے کو اس رقم میں بیچ سکتا ہوں اور یہ بحالی کے عمل کا حصہ بن جاتا ہے ۔