بالی ووڈ اداکار سلمان خان کو ایکشن ہیرو ہونے پر فخر ہے۔سلمان خان کی فلم ٹائیگر۳؍،گزشتہ اتوار۱۲؍ نومبر کو ریلیز ہوئی ہے۔ ٹائیگر۳؍ باکس آفس پر ۲۰۰؍کروڑروپے کماچکی ہے۔

بالی ووڈ اداکار سلمان خان کو ایکشن ہیرو ہونے پر فخر ہے۔سلمان خان کی فلم ٹائیگر۳؍،گزشتہ اتوار۱۲؍ نومبر کو ریلیز ہوئی ہے۔ ٹائیگر۳؍ باکس آفس پر ۲۰۰؍کروڑروپے کماچکی ہے۔ واضح رہے کہ ٹائیگر ۳؍ کی پہلے دن کی آمدنی ۴۳؍کروڑ تھی جبکہ دوسرے دن اس نے ۵۸؍ کروڑ روپے کمائے تھے، تیسرے دن ۴۳ء۵؍ کروڑ، چوتھے دن ۲۰ء۵؍کروڑ اور۱۷ء۷۸؍ کروڑ روپے حاصل کئے ہیں۔
 سلمان خان نے مداحوں سےکہا، میں اس پیار اور خلوص کے لیے آپ سب کاشکر گزار ہوں جو آپ نے مجھ پر برسوں سے برسایاہے اور اس محبت کے لیے بھی جو انھوں نے میری ٹائیگر فرنچائز کو دی ہے۔ میں نےاب تک۳؍ بار سپر اسپائی ٹائیگر کا کردارادا کیا ہے۔ لہٰذا، یہ تعریف میرےلیے کامیابی کی ہیٹ ٹرک کی طرح محسوس ہوتی ہے۔یہ ایک ایسا کردار ہے جس کے لیے میں نے ہر بار اپنے آپ کو خطرے میں ڈالا ہے۔
سلمان خان نے کہا کہ مجھے ایک ایکشن ہیرو ہونےپربہت فخر ہے اور میں خوش قسمت ہوں کہ لوگوں نے مجھے کئی فلموں میں اس اوتار میں پسند کیا ہے۔