بومن ایرانی کے بیٹے کیوزے ایرانی کی ہدایتکاری میںبنی فلم ’’سرزمین‘‘کا ٹیزر ریلیزکر دیا گیا ہے جس میں پرتھوی راج سوکمارن کو دہشت گردوں سے لڑتے ہوئے اور ابراہیم علی خان کو دہشت گرد کے کردار میں دکھایا گیاہے۔یہ فلم ۲۵؍ جولائی ۲۰۲۵ء کو جیو ہوٹ اسٹارپر ریلیز ہوگی۔

کرن جوہر نے بالآخر فلم ’’سرزمین‘‘ کا ٹیزر لانچ کردیا ہے جو ابراہیم علی خان کی دوسری فلم ہوگی۔

Sarzameen ki salamati se badhkar kuch nahi 🇮🇳#Sarzameen, releasing July 25, only on @JioHotstar #SarzameenOnJioHotstar pic.twitter.com/KJvQQO9vr8

— Ajit Andhare (@AndhareAjit) June 30, 2025

فلم کے ٹیزر میں کیا ہے؟
’’سرزمین‘‘ کے ٹیزر میں پرتھوی راج سوکمارن کو فوجی اہلکار کے کردار میں دکھایا گیا ہے جو برف سے ڈھکی وادی میں دہشت گردوں کے خلاف لڑتے ہیں۔ ٹیزر میں کاجول کو کچھ ہی وقت کیلئے دکھایا گیا ہے۔

علاوہ ازیں ابراہیم علی خان کا تعارف کرائے جانے تک سب کچھ ٹھیک ہے۔ ابراہیم علی خان کو ایک دہشت گرد کے کردار میں متعارف کروایا گیا ہے جنہیں نقلی ڈاڑھی لگائی گئی ہے۔ ابراہیم علی خان ٹیزر میں اپنی نقلی ڈاڑھی کے سبب پرتھوی راج سوکمارن اور کاجول سے زیادہ توجہ کا مرکز بن رہے ہیں۔

یہ بھی پڑھئے: ’’جین زی کو معلوم ہی نہیں ہے کہ’ سی ڈی برن‘ کرنا کسے کہتے ہیں ؟ ‘‘

کچھ ’’سرزمین‘‘ کے بارے میں
’’سرزمین‘‘ کی ہدایتکاری بومن ایرانی کے بیٹے کیوزے ایرانی نے کی ہے جبکہ اس میں ابراہیم علی خان، کاجول، پرتھوی راج سوکمارن کے علاوہ دیگر نے بھی کلیدی کردار نبھائے ہیں۔ یہ فلم ۲۵؍ جولائی کو جیو ہوٹ اسٹار پر ریلیز ہوگی۔