بالی ووڈ سپر اسٹارشاہ رخ خان نے عالیہ بھٹ اور بوبی دیول کی آنے والی فلم’’الفا ‘‘کے ٹیزر کی بھرپور تعریف کرتے ہوئے پوری ٹیم کیلئے نیک خواہشات کا اظہار کیا ہے۔ شاہ رخ کی سوشل میڈیا پوسٹ کے بعد مداحوں میں یہ قیاس آرائیاں بھی زور پکڑ گئی ہیں کہ آیا وہ یش راج فلمز اسپائی یونیورس کی اس فلم میں خصوصی کردار (کیمیو) ادا کریں گے یا نہیں۔

بالی ووڈ سپر اسٹار شاہ رخ خان نے’’الفا‘‘کے ٹیزر کی بھرپور تعریف کی ہے، جس میں عالیہ بھٹ اور بوبی دیول مرکزی کرداروں میں نظر آئیں گے۔ فلم کا ٹیزر آج جاری کیا گیا، جسے شاہ رخ خان نے اپنے سوشل میڈیا اکاؤنٹ پر دوبارہ شیئر کرتے ہوئے عالیہ بھٹ کے اداکارانہ سفر کو سراہا۔ انہوں نے کہا کہ عالیہ دل جیتنے سے لے کر اب ایکشن مناظر میں دشمنوں کی ہڈیاں توڑنے تک اپنی صلاحیتوں کا دائرہ مسلسل وسیع کر رہی ہیں۔ 
شاہ رخ خان، جو ۲۰۲۳ءکی بلاک بسٹر فلم’’ پٹھان‘‘کے ذریعے’ وائی آر ایف‘اسپائی یونیورس کا حصہ رہ چکے ہیں، کی اس پوسٹ کے بعد مداحوں میں یہ قیاس آرائیاں دوبارہ زور پکڑ گئی ہیں کہ شاید وہ ’’الفا‘‘ میں مختصر کردار (کیمیو) بھی ادا کریں۔ 

Well done Alia, in years from breaking hearts and now to breaking bones your skill set keeps expanding.
May Alpha win hearts and still leave some villains standing for the sequel.
Go get them Sigma girl! Lord Bobby….you are so good when you are bad!!! Big hug. And all the best… https://t.co/ffIgkKWsSu

— Shah Rukh Khan (@iamsrk) June 10, 2026

شاہ رخ خان کا پیغام
شاہ رخ خان نے ایکس پر لکھا:’’شاباش عالیہ! برسوں تک دل توڑنے کے بعد اب ہڈیاں توڑنے تک، تمہاری صلاحیتوں میں مسلسل اضافہ ہو رہا ہے۔ دعا ہے کہ’’ `الفا‘‘ دل بھی جیتے اور کچھ ولن اگلے سیکوئل کیلئے بھی باقی چھوڑ دے۔ جاؤ اور سب کو دکھا دو، سگما گرل!‘‘انہوں نے بوبی دیول کی تعریف کرتے ہوئے مزید لکھا:’’لارڈ بوبی... جب آپ منفی کردار ادا کرتے ہیں تو بے حد شاندار لگتے ہیں ! آپ کیلئے ایک بڑا سا ہگ۔ اور شیو اور ان کی پوری ٹیم کیلئے نیک تمنائیں۔ ‘‘
مداحوں کی جانب سے کیمیو کے سوالات
شاہ رخ خان کی پوسٹ کے فوراً بعد مداحوں نے تبصروں کا سلسلہ شروع کر دیا۔ ایک صارف نے پوچھا:’’کیا ہمیں اس فلم میں آپ کا کیمیو دیکھنے کو ملے گا؟‘‘
ایک اور مداح نے لکھا:
’’پٹھان سے الفا تک... امید ہے کہ اس فلم میں آپ کی جھلک ضرور ہوگی، کنگ خان!‘‘جبکہ ایک اور صارف نے تبصرہ کیا:’’الفا بمقابلہ پٹھان کیسا رہے گا؟‘‘

یہ بھی پڑھئے: `فلم ’’الفا‘‘کا طاقتور ٹیزر جاری، عالیہ بھٹ نے ایکشن اوتار سے مداحوں کو حیران کر دیا

’’الفا‘‘ ٹیزر کے بارے میں 
ٹیزر کا آغاز بوبی دیول اور عالیہ بھٹ کے ایک پرتعیش ریسٹورنٹ میں بیٹھنے سے ہوتا ہے۔ بوبی عالیہ کے والد کا کردار ادا کر رہے ہیں۔ یہ عالیہ کی ۱۸؍ویں سالگرہ کا موقع ہے۔ ابتدائی طور پر، سب کچھ ایک عام باپ بیٹی کا جشن لگتا ہے، لیکن لمحوں کے اندر، کہانی ایک نیا موڑ لیتی ہے۔ بوبی دیول اپنی بیٹی کو ایک کارڈ دیتے ہیں جس پر کمرہ نمبر لکھا ہوتا ہے۔ جب عالیہ اس سے متعلق سوال پوچھتی ہیں تو پتہ چلتا ہے کہ یہ تحفہ نہیں بلکہ ان کا پہلا مشن ہے۔ یہیں سے ٹیزر کا جوش و خروش پیدا ہونا شروع ہوتا ہے۔ بوبی دیول اپنی بیٹی سے کہتے ہیں کہ وہ دن آ گیا جس کا وہ انتظار کر رہے تھے۔ اس مشن کو پورا کرنے کا وقت آگیا ہے جس کے لیے اس نے اسے بچپن سے تیار کیا تھا۔ 

یہ بھی پڑھئے: نصرت بھروچا نے جانوروں پر ظلم کے خلاف آواز بلند کی

اس کے بعد ٹیزر میں عالیہ کو بالکل مختلف اوتار میں دکھایا گیا ہے۔ وہ کبھی دشمنوں پر چاقو سے حملہ کرتی ہے، کبھی سر میں گولی مارتی ہے۔ وہ کئی خطرناک ایکشن کرتی نظر آرہی ہیں۔ ٹیزر میں ’’ الفا‘‘ نامی ایک خفیہ پروگرام متعارف کرایا گیا ہے، جس کے تحت ملک کے جنگجوؤں کی اگلی نسل تیار کی جاتی ہے۔ ٹیزر میں جہاں عالیہ بھٹ کے ایکشن سیکوئنس سب سے زیادہ دلکش ہیں، وہیں بوبی دیول کا پراسرار انداز بھی دل موہ لینے والا ہے۔ اگرچہ فلم میں شروری واگھ اور انیل کپور بھی اہم کردار ادا کر رہے ہیں لیکن ٹیزر میں انہیں نہیں دکھایا گیا ہے۔ اس لیے خیال کیا جا رہا ہے کہ آنے والے دنوں میں ان کے کرداروں سے متعلق الگ الگ پرومو یا پوسٹر جاری کیے جا سکتے ہیں۔ 

یہ بھی پڑھئے: ملی بوبی براؤن اور ہنری کیول کی ’’ اینولا ہومز۳‘‘ کا سنسنی خیز ٹریلر ریلیز

’’الفا‘‘ یش راج فلمز کی مقبول جاسوس کائنات کی ساتویں فلم ہے۔ اس سے قبل ’ایک تھا ٹائیگر‘، ’ٹائیگر زندہ ہے‘، ’وار، ‘ ’پٹھان، ‘ ’ٹائیگر ۳،‘ اور ’وار ۲‘ جیسی فلمیں اس کائنات کا حصہ رہ چکی ہیں۔ فلم کو آدتیہ چوپڑا نے پروڈیوس کیا ہے اور اس کی ہدایت کاری شیو راول نے کی ہے۔ یہ فلم پہلے ۱۰؍ جولائی ۲۰۲۶ء کو ریلیز ہونا تھی لیکن اب اس کی ریلیز کی نئی تاریخ ۳؍جولائی ۲۰۲۶ء مقرر کی گئی ہے۔