کنگ خان شاہ رخ خان اپنی آنے والی فلم ’’کنگ‘‘ کیلئے تیار ہوگئے ہیں اور ان کا نیا لُک انٹرنیٹ پر تیزی سےو ائرل ہورہا ہے۔

شاہ رخ خان کا ’’کنگ‘‘ کا لُک آن لائن ریلیز ہونے کے بعد مداح پُرجوش ہوگئے ہیں۔ سوشل میڈیا پر وائرل ایک مختصر کلپ میں، شاہ رخ خان کو سفید بنیان، سیاہ چشمہ اور سرمئی ٹوپی پہنے ہوئے دیکھا گیا۔ ان کے ہاتھوں پر ٹیٹوز بنے ہوئے ہیں اور کسرتی جسم ’’پٹھان‘‘ والے شاہ رخ خان کی یاد تازہ کررہا ہے۔ جہاں ایک جان صارفین ان کے لُک کی تعریف کررہے ہیں، وہیں دوسری جانب لوگ ان کا موازنہ ’’وانٹیڈ‘‘ کے سلمان خان سے کررہے ہیں۔ اس دوران سوشل میڈیا صارفین میں بحث چھڑ گئی ہے کہ شاہ رخ  اور سلمان میں سے بہتر اداکار کون ہیں۔ بیشتر صارفین نے شاہ رخ خان خان کی تعریف کی کہ وہ اپنی صحت اور جسمانی ساخت کا بہت خیال رکھتے ہیں جبکہ سلمان خان ایک ہی لُک میں برسوں سے نظر آرہے ہیں۔ 

Shah Rukh Khan with full tattoos on his body…This look is fireee.#King is going to be huge 🔥 pic.twitter.com/0k6urTP5uy

— Amaan Khan (@AmaanSRKian02) June 1, 2025

ایک مداح نے کہا کہ شاہ رخ خان ہر فلم کیلئے مختلف اور نیا لُک اپنا رہے ہیں مگر سلمان اس محاذ پر توجہ نہیں دیتے۔ اگر غور کریں تو احساس ہوگا کہ ’’وانٹیڈ‘‘ کے بعد سے سلمان خان ایک ہی لُک میں اور ایک ہی جیسی فلمیں کررہے ہیں۔ سدھارتھ آنند کی ہدایتکاری میں بننے والی ’’کنگ‘‘ ایک گینگسٹر ڈرامہ ہے جس میں شاہ رخ خان، سہانا خان، دپیکا پڈوکون، ابھیشیک بچن، جے دیپ اہلاوت، جیکی شروف، اور ابھے ورما مرکزی کرداروں میں ہیں۔ یہ فلم ۲۰۲۶ء میں ریلیز ہوگی۔