بالی ووڈ کے بادشاہ  شاہ رخ  خان جو علاج کے سلسلے میں امریکہ میں ہیں، اس ماہ کے آخر تک وطن لوٹ آئیں گے۔اس بیچ  ان کے قریبی ذرائع نے فلم ’کنگ‘ کے سیٹ پر ان  کے  زخمی ہونے سے انکار کیا ہے۔

بالی ووڈ کے بادشاہ  شاہ رخ  خان جو علاج کے سلسلے میں امریکہ میں ہیں، اس ماہ کے آخر تک وطن لوٹ آئیں گے۔اس بیچ  ان کے قریبی ذرائع نے فلم ’کنگ‘ کے سیٹ پر ان  کے  زخمی ہونے سے انکار کیا ہے۔ ان کےمطابق   ماضی میں شوٹنگ کے دوران  شاہ رخ  خان کو کئی بار  چوٹیں لگ چکی ہیں۔ ان میں سے کچھ وقتاً فوقتاً  اُبھرتی بھی رہتی ہیں۔ اسلئے معمول کے چیک اپ اور علاج معالجہ کیلئے وہ اکثر امریکہ جاتے  ہیں۔شاہ رخ خان کےقریبی ذرائع کے مطابق موجودہ  سفر بھی  اسی نوعیت کا ہے۔ 
   وہ جولائی کے دوسرے ہفتے میں  امریکہ گئے تھے اور مہینے کے آخر تک ان کی واپسی ہے۔ اس سفر کا کسی حادثہ سے کوئی لینا دینا نہیں ہے۔ یہ پہلا موقع نہیں ہے جب شاہ رخ کے زخمی ہونے کی غلط خبر پھیلی ہے۔  اس سے پہلے بھی کئی بار ایسا  ہوچکا ہے۔ جب انہوں  نے نا ک کی سرجری کروائی تھی تو  یہ افواہ پھیل گئی تھی کہ شوٹنگ  میں ان کی ناک کی ہڈی  ٹوٹ گئی  تھی  جبکہ ان کے قریبی افراد کا کہنا ہے کہ ایسا نہیں ہوا تھا بلکہ اُس وقت انہیں  ڈاکٹرس کی صلاح  پرناک  کا معمول کا آپریشن  کروانا پڑا تھا۔