اپنی آنے والی فلم ’’یہ پریم مول لیا‘‘ کی ریلیز ڈیٹ کے اعلان کے بعد، بالی ووڈ کی ابھرتی ہوئی اداکارہ شروَری نے اپنے انسٹاگرام پر ایک نوٹ شیئر کرتے ہوئے اس فلم کے تجربے کو یاد کیا۔

اپنی آنے والی فلم ’’یہ پریم مول لیا‘‘ کی ریلیز ڈیٹ کے اعلان کے بعد، بالی ووڈ کی ابھرتی ہوئی اداکارہ شروَری نے اپنے انسٹاگرام پر ایک نوٹ شیئر کرتے ہوئے اس فلم کے تجربے کو یاد کیا۔ یہ فلم ۲۷؍نومبر  ۲۰۲۶ء کو سنیما گھروں میں ریلیز ہونے جا رہی ہے اور اس میں آیوشمان کھرانہ بھی اہم کردار میں ہیں۔ فلم کی ہدایت کاری سورج بڑجاتیا نے کی ہے۔ بڑے پردے کے خاندانی تفریح کے طور پر پیش کی جانے والی یہ فلم ایک نئی آن اسکرین جوڑی کو ساتھ لاتی ہے، جو ناظرین کے ساتھ جذباتی اور ثقافتی تعلق کے لیے جانی جاتی ہے۔

 

 

 

 

 

View this post on Instagram

 

 

 

 

 

 

 

 

 

 

 

A post shared by Himesh Reshammiya Melodies (@himeshreshammiyamelodies)

یہ بھی پڑھئے:آبنائے ہرمز بند ہونے سے ایران کو روزانہ ۵۰؍ کروڑ امریکی ڈالر کا نقصان: ٹرمپ

راج شری پروڈکشنز اور مہاویر جین فلمز کے اشتراک سے بنی یہ فلم شروَری کی بڑھتی ہوئی فلم فہرست میں ایک اہم اضافہ ہے، جس میں کئی بڑے پیمانے پر ریلیز ہونے والی فلمیں شامل ہیں۔انسٹاگرام پر اپنے خیالات شیئر کرتے ہوئے شروَری نے لکھا’’یہ پریم مول لیا‘‘ کا سفر، یہ ایک بہت بہت خاص فلم، —شکرگزاری، دعاؤں، مثبت اور بے شمار خوبصورت یادوں سے بھرا رہا ہے!! سورج سر کی ہدایت کاری میں کام کرنا میرے لیے سب سے بڑا خواب پورا ہونے جیسا ہے! اور اس سفر کو آیوشمان کے ساتھ شیئر کرنا اسے اور بھی خاص بناتا ہے۔ میں آپ سب کے لیے ۲۷؍ نومبر ۲۰۲۶ء کو سنیما گھروں میں اس فلم کا تجربہ کرنے کا انتظار نہیں کر سکتی!‘‘

یہ بھی پڑھئے:فلم ’’لَو لاٹری‘‘ میں اکشے اوبیرائے اہم کردار ادا کریں گے

خیال رہے کہ اس فلم کے ساتھ راجشری کا مشہور کردار’’پریم‘‘ ۱۲؍ سال بعد بڑے پردے پر لوٹ رہا ہے۔ اس بار اس کردار کو پہلی بار آیوشمان کھرانہ نبھا رہے ہیں، جو اپنے سادہ اور شرارتی انداز سے اسے خاص بناتے ہیں۔فلم میں ان کے ساتھ پہلی بار شروَری نظر آئیں گی۔ ان کی سادگی، مضبوطی اور خوبصورتی راجشری کی ہیروئنز کی خاصیت کو آگے بڑھاتی ہے۔ دونوں کی آن اسکرین کیمسٹری دیکھنے کے قابل ہوگی۔