کنیڈا کے گلوکار شان مینڈس لولا پلوزہ میوزیک فیسٹیول کے تیسرے ایڈیشن میں پرفارم کرنے کیلئے ممبئی آگئے ہیں۔ انہیں جنوبی ممبئی میں قلابہ کے کاز وے اسٹریٹ پر دیکھا گیا جہاںوہ چپلوں کی دکان کا دورہ کررہےتھے۔

گلوکار شان مینڈس ۸؍ مارچ ۲۰۲۵ء کو میوزک فیسٹیول لولا پلوزہ میں پرفارم کریں گے۔ وہ اپنی پرفارمنس سے کچھ دنوں قبل ہی ممبئی پہنچ گئے تھے۔ جمعرات کو ’’سینوریٹا‘‘ کے گلوکارکو قلابہ کی کازوے اسٹریٹ پر دیکھا گیا تھا جہاں بہت سے افراد نے انہیں پہنچانا بھی نہیں۔ سوشل میڈیا پر متعدد تصاویر اور ویڈیوز وائرل ہوئی ہیں جس میں انہیں مارکیٹ گھومتے ہوئے دیکھا جاسکتا ہے۔

e quando eu e as meninas estivermos comprando coisas por são paulo e encontrarmos shawn mendes no meio da rua fazendo suas comprinhas também pic.twitter.com/nfmJ5KOLxL

— elô (@readymendxs) March 6, 2025

شان مینڈس کو اپنی ٹیم کے چند ممبران کے ساتھ قلابہ کازوے میں دیکھا گیا تھا۔ سوشل میڈیا پر ان کے فین پیج پر شیئر ہونے والی ویڈیو اورتصاویر میں دیکھا جاسکتا ہے کہ وہ چپلوں کی مقامی دکانوں کا دورہ کررہے ہیں۔ ایسا لگ رہا ہے کہ جنوبی ممبئی کی مصروف سڑکوں پر لوگوں نے انہیں پہچانا ہی نہیں ہے۔ تاہم، ان کے کچھ مداحوں نے انہیں پہنچان لیا تھا۔ چند تصاویر میں انہیں اپنے مداحوں کے ساتھ بھی دیکھا جاسکتا ہے جن کے ساتھ انہوں نے تصاویر بھی کھینچی۔ 

یہ بھی پڑھئے: ’’سکندر‘‘ کے آخری نغمہ کے شوٹ کیلئے ترکی کے ۵۰۰؍ ڈانسرز کی خدمات لی گئی ہیں

شان مینڈس مہالکشمی، ممبئی میں ہونے والے لولا پلوزہ کے تیسرے ایڈیشن میں پرفارم کریں گے۔ توقع کی جارہی ہے کہ وہ اس فیسٹیول میں اپنے مشہور نغمے جیسے ’’سینوریٹا‘‘، ’’ٹریٹ یو بیٹر‘‘،’’ان مائی بلڈ‘‘ وغیرہ پرفارم کریں گے۔ یاد رہے کہ یہ ممبئی میں ان کا پہلا پرفارمنس ہوگا۔ لولا پلازہ ۸؍ مارچ تا ۹؍ مارچ ۲۰۲۵ء کو منعقد کیا جائے گا۔