سنیل پال حال ہی میں دی گریٹ انڈین کپل شو کے ایک خاص ایپی سوڈ میں نظر آئے، جو ۲؍ مئی کو نشر ہوا اور اس میں سمے رائنا اور رنویر الہٰ آبادبطور مہمان شامل تھے۔

سنیل پال حال ہی میں دی گریٹ انڈین کپل شو کے ایک خاص ایپی سوڈ میں نظر آئے، جو ۲؍ مئی کو نشر ہوا اور اس میں سمے رائنا اور رنویر الہٰ آبادبطور مہمان شامل تھے۔ اگرچہ اس ایپی سوڈ نے آن لائن کافی توجہ حاصل کی، لیکن سنیل نے بعد میں شو کے بارے میں اپنے تجربے پر بات کی اور تسلیم کیا کہ شوٹنگ کے دوران انہیں الگ تھلگ محسوس ہوا۔
کانٹینٹ کریئیٹر سورج کمار کے ساتھ گفتگو میں تجربہ کار کامیڈین نے دعویٰ کیا کہ انہیں پہلے سے یہ نہیں بتایا گیا تھا کہ اس ایپی سوڈ میں سمے اور رنویر بھی شامل ہوں گے۔ انہوں نے یہ بھی بتایا کہ انہیں ابتدا میں اسٹینڈ اپ پرفارمنس کا موقع دینے کا وعدہ کیا گیا تھا، لیکن ان کے مطابق ایسا نہیں ہوا۔
سنیل نے مزید کہا کہ انہیں پورے ایپی سوڈ کے دوران ایک خاص تعصب محسوس ہوا، نہ صرف لائیو سامعین کی طرف سے بلکہ پینلسٹس نوجوت  سنگھ سدھو اور ارچنا پورن سنگھ کی طرف سے بھی۔ ’’دی گریٹ انڈین کپل شو‘‘میں اپنے تجربے کے بارے میں بات کرتے ہوئے سنیل پال نے نوجوت سنگھ سدھو اور ارچنا پورن سنگھ پر بالواسطہ تنقید کی اور کہا کہ شو کے دوران ماحول کافی حد تک یکطرفہ محسوس ہوا۔
انہوں نے کہاکہ ’’سب کچھ یکطرفہ ہو گیا تھا، مجھے ایک وقت پر ایسا لگا جیسے مجھے گھیر لیا گیا ہو اور نشانہ بنایا جا رہا ہو۔ بہت سے لوگوں نے یہ بات نوٹ بھی کی، لوگوں کو جان بوجھ کر کہا گیا کہ میرے لطیفوں پر نہ ہنسیں جبکہ دوسرے شخص کے معمولی لطیفوں پر بھی زیادہ ردعمل دیا جائے۔‘‘

یہ بھی پڑھئے:ملبے پر فٹ بال: غزہ کے یتیم بچوں نے میدان میں پناہ تلاش کر لی

سنیل نے مزید اشارہ کیا کہ سدھو اسٹیج پرگفتگو کے دوران متعصب نظر آئے۔ سمے رائنا کے لطیفوں پر سدھو کے ردعمل کا ذکر کرتے ہوئے سنیل نے کہاکہ ’’نوجوت سنگھ سدھو، جو ۲۰؍ سال سے کامیڈینز کو سن رہے ہیں، انہوں نے سمے کے ایک چھوٹے سے لطیفے پر کہا کہ ’’بہت خوب، تم اگلے کپل ہو۔‘‘ ارچنا نے بھی اس لطیفے پر نہیں ہنسا جبکہ وہ ایسی شخصیت ہیں کہ اگر انہیں پیسے دیے جائیں تو وہ ہوا پر بھی ہنس دیں لیکن اگر وہ نہیں ہنسیں تو مجھے لگا کہ کچھ پلاننگ تھی۔‘‘

یہ بھی پڑھئے:ٹرولنگ کے بعد بھومی پیڈنیکر ’’دی رائلز‘‘ سیزن ۲؍ سے علاحدہ

صارفین نے سنیل پال کو ’’وِکٹم کارڈ‘‘ کھیلنے پر تنقید کا نشانہ بنایا۔ ایک صارف نے کہا’’وہ اب اپنی ہی وہمی دنیا میں رہ رہے ہیں۔ انہیں یہ انٹرویوز اور بڑے شوز میں وقت سمے رائنا کی وجہ سے مل رہا ہے۔ ورنہ کوئی بھی ان کے کمزور لطیفوں اور پرانی طرز کی کامیڈی کو سننا نہیں چاہتا۔‘‘