بالی ووڈ کے سپر اسٹار سنی دیول نے ٹینس کے سپر اسٹارز یانک سنر اور کارلوس الکاراز کی خوب تعریف کی ہے اور کہا ہے کہ یہ کھیل صرف ٹرافی کے بارے میں نہیں تھا بلکہ یہ کھیل، عزت اور اس جذبے کے بارے میں تھا جو وہ کورٹ میں اپنے ساتھ لے کر آئے۔

بالی ووڈ کے سپر اسٹار سنی دیول نے ٹینس کے سپر اسٹارز یانک  سنر اور کارلوس الکاراز کی خوب تعریف کی ہے اور کہا ہے کہ یہ کھیل صرف ٹرافی کے بارے میں نہیں تھا بلکہ یہ کھیل، عزت اور اس جذبے کے بارے میں تھا جو وہ کورٹ میں اپنے ساتھ لے کر آئے۔سنی نے اپنی انسٹاگرام اسٹوریز سیکشن میں سنر کی ٹرافی کے ساتھ اور الکاراز کی اس کے ساتھ کھڑے ہونے کی ایک تصویر شیئر کی۔ انہوں نے کیپشن میں لکھاکہ ’’دو جنگجو، ایک کورٹ۔ مونٹی کارلو ماسٹرز میں یہ صرف ٹرافی کے بارے میں نہیں تھا، بلکہ یہ کھیل، احترام اور اس جذبے کے بارے میں تھا جو وہ اپنے ساتھ لائے۔ ایسے لمحات ہی ہیں جن کی وجہ سے ہم کھیلوں سے محبت کرتے ہیں۔‘‘
۱۲؍ اپریل کو سنر نے پُرسکون کارکردگی کا مظاہرہ کرتے ہوئے الکاراز کو۶۔۷، ۳۔۶؍ سے مونٹی کارلو ماسٹرز کے فائنل میں شکست دی اور نومبر ۲۰۲۵ء کے بعد پہلی بار عالمی نمبر وَن  رینکنگ دوبارہ حاصل کی۔ سنر نے نوواک جوکووچ (۲۰۱۵ء) کے بعد یہ کارنامہ انجام دینے والے صرف دوسرے کھلاڑی ہونے کا اعزاز بھی حاصل کیا جنہوں نے سیزن کے پہلے تین اے ٹی پی ماسٹرز  ۱۰۰۰؍ٹائٹلز جیتے۔ یہ فتح ماسٹرز ایونٹس میں ان کی شاندار مسلسل فتوحات کے سلسلے کو ۲۲؍ میچز تک بڑھا گئی۔

یہ بھی پڑھئے:مانچسٹر سٹی کی چیلسی پر جیت: پریمیئر لیگ خطاب کی جنگ فیصلہ کن مرحلے میں داخل

 خیال رہے کہ اٹلی کے اسٹار ٹینس کھلاڑی یانک  سنر نے اتوار کو اسپین کے کارلوس ایلکاراز کو اسٹریٹ سیٹس میں شکست دے کر پہلی بار مونٹے کارلو ماسٹرز کا ٹائٹل اپنے نام کر لیا۔ اس شاندار فتح کے ساتھ ہی سنر نے اپنے ہسپانوی حریف سے عالمی نمبر ون کی پوزیشن بھی چھین لی ہے۔ کورٹ رینیئر سوم  پر کھیلے گئے اس فائنل میں ۲۴؍ سالہ   یانک  سنر نے الکاراز کو شکست دی۔

یہ بھی پڑھئے:فاتح چنئی کے سامنے کولکاتا کا سخت امتحان؛ پہلی کامیابی کے لیے کے کے آر بے چین

پہلے سیٹ میں دونوں کھلاڑیوں کے درمیان سخت مقابلہ ہوا جو ٹائی بریکر تک گیا، جہاں سنر نے اعصاب پر قابو پاتے ہوئے کامیابی حاصل کی۔دوسرے سیٹ میں ایلکاراز نے ۱۔۳؍ کی برتری حاصل کی تھی، لیکن سنر نے شاندار واپسی کرتے ہوئے مسلسل پانچ گیمز جیتے اور کلے کورٹ  پر اپنے کیریئر کا سب سے بڑا ٹائٹل جیت لیا۔ وہ نوواک جوکووچ اور رافیل ندال کے بعد تیسرے کھلاڑی بن گئے ہیں جنہوں نے لگاتار چار اے ٹی پی ۱۰۰۰؍ ٹائٹل جیتے ہیں۔انہوں نے پچھلے ماہ انڈین ویلز اور میامی  جیتنے کے بعد اب مونٹی کارلو بھی جیت لیا ہے۔