سورج بڑجاتیا نے اپنی اگلی فلم کا اعلان کر دیا ہے،فلم ’’یہ پریم مول لیا‘‘ میں آیوشمان کھرانہ اور شروَری نظر آئیں گے۔ یہ ایک میوزیکل فیملی انٹرٹینر فلم ہے، جو۲۷؍ نومبر ۲۰۲۶ء کو سنیما گھروں میں ریلیز ہوگی۔

سورج بڑجاتیا نے اپنی اگلی فلم کا اعلان کر دیا ہے،جس کا نام ’’یہ پریم مول لیا‘‘ میں آیوشمان کھرانہ اور شروَری نظر آئیں گے۔ یہ ایک میوزیکل فیملی انٹرٹینر فلم ہے، جو۲۷؍ نومبر ۲۰۲۶ء کو سنیما گھروں میں ریلیز ہوگی۔راجشری پروڈکشنز اور مہاویر جین فلمز مل کر اس فلم کو بنا رہے ہیں۔ ’’اونچائی‘‘ کے لیے نیشنل ایوارڈ جیتنے کے بعد، سورج بڑجاتیا ایک بار پھر فیملی انٹرٹینر کے ساتھ واپسی کر رہے ہیں۔

 

 

 

 

 

View this post on Instagram

 

 

 

 

 

 

 

 

 

 

 

A post shared by Swanand Kirkire (@swanandkirkire)

یہ بھی پڑھئے:اداکار ادیوی شیش فلم ’’ڈکیت‘‘ کی کامیابی سے لطف اندوز ہو رہے ہیں

اس فلم کے ساتھ راجشری کا مشہور کردار’’پریم‘‘ ۱۲؍ سال بعد بڑے پردے پر لوٹ رہا ہے۔ اس بار اس کردار کو پہلی بار آیوشمان کھرانہ نبھا رہے ہیں، جو اپنے سادہ اور شرارتی انداز سے اسے خاص بناتے ہیں۔فلم میں ان کے ساتھ پہلی بار شروَری نظر آئیں گی۔ ان کی سادگی، مضبوطی اور خوبصورتی راجشری کی ہیروئنز کی خاصیت کو آگے بڑھاتی ہے۔ دونوں کی آن اسکرین کیمسٹری دیکھنے کے قابل ہوگی۔

یہ بھی پڑھئے:لبنان میں اسرائیل کی غیرقانونی اور ظالمانہ سرگرمیاں

تقریباً ۱۲؍ سال بعد سورج بڑجاتیا اور ہیمیش ریشمیا پھر ساتھ کام کر رہے ہیں۔ اس سے پہلے انہوں نے ’’پریم رتن دھن پایو‘‘ میں ساتھ کام کیا تھا، جس کا میوزک کافی ہٹ رہا تھا۔ اس فلم میں بھی موسیقی ہیمیش ریشمیا دے رہے ہیں، جس سے ایک شاندار البم کی امید ہے۔ ایسے وقت میں جب ہندی سنیما میں ایکشن، ہارر اور تاریخی فلموں کا بول بالا ہے، راجشری ایک بار پھر اپنی خاص پہچان—ایک سچی فیملی انٹرٹینر—کے ساتھ لوٹ رہا ہے۔’’یہ پریم مول لیا‘‘ ۲۷؍ نومبر ۲۰۲۶ء کو خاندانوں کو سنیما گھروں میں لانے کے لیے تیار ہے۔