سدھانت چترویدی کی فلم’’وی شانتارام‘‘ سے تمنا بھاٹیہ کا لُک اب سامنے آ گیا ہے۔ وہ اس انداز میں شاندار لگ رہی ہیں۔ جانئے فلم میں تمنا کون سا کردار نبھائیں گی؟

سدھانت چترویدی کے بعد لیجنڈری فلمساز وی شانتارام کی بائیوپک سے اداکارہ تمنا بھاٹیہ کی پہلی جھلک بھی سامنے آئی ہے۔ میکرز نے تمنا بھاٹیہ کا فرسٹ لک کا پوسٹر جاری کر دیا ہے۔ تمنا فلم میں جے شری کا کردار ادا کر رہی ہیں۔ پوسٹر میں تمنا کا پرانا روپ دکھایا گیا ہے۔

 

 

 

 

 

View this post on Instagram

 

 

 

 

 

 

 

 

 

 

 

A post shared by Camera Take Films (@cameratakefilms)

تمنا جے شری کا کردار ادا کریں گی
انسٹاگرام پر تمنا کے پوسٹر کو شیئر کرتے ہوئے، میکرز نے لکھاکہ ’’جے شری - ایک دور کا ستارہ، وراثت کے پیچھے طاقت، تاریخ کا ایک باب۔‘‘ پوسٹر میں تمنا بے بی پنک ساڑھی میں نظر آ رہی ہیں۔ پوسٹر میں تمنا ایک تجربہ کار اداکارہ کی طرح پوز دے رہی ہیں۔ اس کے پیچھے پس منظر میں ایک سبز پردہ اور گھاس نظر آ رہی ہے، جو ممکنہ طور پر کسی فلم کے سیٹ کی نمائندگی کر رہی ہے۔

یہ بھی پڑھئے:امریکی صدر ڈونالڈ ٹرمپ نے آبی معاہدے کی خلاف ورزی پر میکسیکو کو اضافی محصولات کی دھمکی دی

سدھانت چترویدی وی شانتارام کا کردار ادا کریں گے
اس سے قبل فلم میں سدھانت چترویدی کا روپ سامنے آیا تھا۔ سدھانت فلم میں وی شانتارام کا کردار ادا کر رہے ہیں۔ اس کا پوسٹر جاری کرتے ہوئے، میکرز نے لکھاکہ ’’جس نے ہندوستانی سنیما کو نئی شکل دی، وہیں واپس آ گیا ہے جہاں سے وہ تعلق رکھتا ہے - بڑی اسکرین پر۔‘‘ پوسٹر میں، سدھانت دھوتی-کرتا اور کوٹ پہنے ہوئے نظر آرہے ہیں، جس کے سر پر ٹوپی ہے۔ وہ ایک بڑے کیمرے کے ساتھ پوز دے رہے ہیں۔

یہ بھی پڑھئے:آرسنل انگلش پریمیر لیگ پوائنٹس ٹیبل پر پہلی پوزیشن پر برقرار

فلم ’’وی  شانتارام‘‘ کو ابھیجیت شریش دیشپانڈے نے ڈائریکٹ کیا ہے۔شانتارام نے اپنی فلموں میں ایک مختلف قسم کا سنیما دکھایا۔وی شانتارام کا شمار ہندوستانی سنیما کے لیجنڈری پروڈیوسرس اور ہدایت کاروں میں ہوتا ہے۔ انہوں نے خاموش دور سے لے کر رنگین فلموں کے دور تک مختلف قسم کی فلمیں بنائیں۔ انہوں نے ہمیشہ ایک مختلف قسم کا سنیما پیش کیا ہے۔ ان کی فلموں میں تفریح کو سماجی سچائی اور تبدیلی کے ساتھ ملایا گیا۔ یہی وجہ ہے کہ انہیں ہندوستانی سنیما کا پہلا باغی بھی کہا جاتا ہے۔