امریکہ کی ٹیکسٹائل برآمدات میں ۳۰؍ فیصد کی حصہ داری ہے اور تجارتی معاہدے سے اس صنعت کو خاطر خواہ فائدہ ہوگا۔ یہ بیان تجارتی معاہدے کے بعد انڈسٹری کی جانب سے دیا گیا۔

امریکہ کی ٹیکسٹائل برآمدات میں ۳۰؍ فیصد کی حصہ داری ہے اور تجارتی معاہدے سے اس صنعت کو خاطر خواہ فائدہ ہوگا۔ یہ بیان  تجارتی معاہدے کے بعد انڈسٹری کی جانب سے دیا گیا۔خبر رساں ایجنسی آئی اے این ایس سے بات کرتے ہوئے اپیرل ایکسپورٹ پروموشن کونسل کے صدر شکتی ویل نے کہا کہ ’’تروپور سے ہونے والی برآمدات میں امریکہ کا حصہ ۳۰؍ فیصد ہے۔ ایسے میں یہ تجارتی معاہدہ ایک خوش آئند خبر ہے۔ اس سے ہندوستان  کو امریکی منڈیوں میں دیگر ممالک کے مقابلے میں مسابقتی برتری حاصل کرنے میں مدد ملے گی۔‘‘
انہوں نے روزگار کے حوالے سے کہا کہ ’’ ہندوستان  نے حال ہی میں برطانیہ، عمان، نیوزی لینڈ اور یورپی یونین کے ساتھ تجارتی معاہدے کیے ہیں۔ اس کا براہِ راست فائدہ صنعت کو ہوگا اور روزگار کے مواقع بڑھیں گے۔ ایسے میں صنعت کو اپنی پیداواری صلاحیت میں اضافہ کرنا چاہیے اور مہارتوں پر بھی توجہ دینی ہوگی  کیونکہ آنے والے وقت میں لیبر کی کمی ہو سکتی ہے۔‘‘

یہ بھی پڑھئے:ڈبلیو پی ایل: فائنل میں پہنچ کر دہلی کیپٹلز نے تاریخ رقم کر دی

تروپور ایکسپورٹس ایسوسی ایشن کے جوائنٹ سیکریٹری کمار دورئی سامی نے کہا کہ دونوں ممالک کے درمیان تجارتی معاہدے کے لیے کافی عرصے سے بات چیت جاری تھی۔ اسی دوران امریکہ کی جانب سے  ہندوستان پر ۵۰؍ فیصد ٹیرف عائد کر دیا گیا تھا۔ ایسے میں تجارتی معاہدہ ہونا پوری صنعت کے لیے اچھی خبر ہے۔ اس سے کاروبار کو فروغ ملے گا اور گزشتہ چھ ماہ کے دوران ٹیرف کی وجہ سے ہونے والے نقصان کی تلافی میں بھی مدد ملے گی۔
 احمد آباد میں ان گلوبل بزنس فاؤنڈیشن کے ہیرن گاندھی نے کہا کہ امریکہ دنیا کی سب سے بڑی معیشت اور سب سے بڑا صارف ملک ہے۔ ٹیرف لگانے کے بعد امریکہ کو بھی احساس ہوا کہ وہ ہندوستان  کو اکیلا نہیں چھوڑ سکتا، جس کا نتیجہ یہ تجارتی معاہدہ ہے۔ اس سے ہندوستان  کے ٹیکسٹائل شعبے کے لیے نئے مواقع پیدا ہوں گے۔

یہ بھی پڑھئے:کیا عالیہ بھٹ کی فلم ’’الفا‘‘ براہِ راست او ٹی ٹی پر ریلیز ہوگی؟

 اس سے قبل، وزیرِ تجارت و صنعت پیوش گوئل نے منگل کو کہا کہ وزیر اعظم نریندر مودی کی قیادت میں  ہندوستان  نے امریکہ کے ساتھ جو تجارتی معاہدہ کیا ہے، وہ امریکہ کی جانب سے دیگر پڑوسی ممالک کے ساتھ کیے گئے معاہدوں کے مقابلے میں کہیں بہتر ہے۔ اس میں ملک کے کسانوں، ڈیری سیکٹر سے وابستہ افراد اور ماہی گیروں کے مفادات پر کوئی سمجھوتہ نہیں کیا گیا ہے۔