ہالی ووڈ کے معروف اداکار ٹام ہالینڈ اور اداکارہ زینڈیا اپنی فلم ’’اسپائیڈرمین: برانڈ نیو ڈے ‘‘ کی تشہیری مہم مکمل کرنے کے بعد کچھ عرصے کے لیے کام سے وقفہ لینے کا ارادہ رکھتے ہیں۔

ہالی ووڈ کے معروف اداکار  ٹام ہالینڈ  اور اداکارہ   زینڈیا  اپنی فلم ’’اسپائیڈرمین: برانڈ نیو ڈے ‘‘ کی تشہیری مہم مکمل کرنے کے بعد کچھ عرصے کے لیے کام سے وقفہ لینے کا ارادہ رکھتے ہیں۔رپورٹس کے مطابق، دونوں فنکار گزشتہ کئی برسوں سے مسلسل فلموں اور دیگر منصوبوں میں مصروف رہے ہیں، جس کے باعث انہوں نے فیصلہ کیا ہے کہ فلم کی تشہیر ختم ہونے کے بعد وہ اپنی ذاتی زندگی، آرام اور خاندان کے ساتھ وقت گزارنے پر توجہ دیں گے۔

یہ بھی پڑھئے:کشور کمار کیلئےفلم کاکوئی ایسا شعبہ نہیں تھا جس میں انہیں دلچسپی نہ رہی ہو

ذرائع کا کہنا ہے کہ ٹام ہالینڈ اور زینڈیا مستقبل میں بھی فلمی منصوبوں پر کام جاری رکھیں گے، تاہم موجودہ مصروف شیڈول کے بعد وہ کچھ عرصے کے لیے عوامی تقریبات اور فلمی سرگرمیوں سے دور رہیں گے۔ٹام ہالینڈ اس سے قبل بھی متعدد انٹرویوز میں ذہنی سکون، ذاتی زندگی اور کام کے درمیان توازن برقرار رکھنے کی اہمیت پر زور دے چکے ہیں۔ دوسری جانب زینڈیا بھی اپنی فلمی اور ٹی وی مصروفیات کے باعث مسلسل مصروف رہی ہیں، اس لیے یہ وقفہ ان کے لیے تازہ دم ہونے کا موقع سمجھا جا رہا ہے۔

یہ بھی پڑھئے:جاپان: بچوں کی دیکھ بھال کیلئے رخصت لینے والے مردوں کی شرح پہلی بار ۵۰ فیصد سے تجاوز کرگئی

دونوں فنکاروں کی جوڑی نہ صرف فلمی پردے پر بلکہ حقیقی زندگی میں بھی مداحوں کی پسندیدہ جوڑیوں میں شمار ہوتی ہے۔ ان کے اس فیصلے کو مداحوں کی جانب سے مثبت انداز میں دیکھا جا رہا ہے کیونکہ بہت سے لوگ سمجھتے ہیں کہ مسلسل مصروفیات کے بعد آرام کرنا ہر فنکار کے لیے ضروری ہوتا ہے۔ اگرچہ اس وقفے کی مدت کے بارے میں کوئی باضابطہ اعلان نہیں کیا گیا، تاہم امکان ہے کہ آرام کے بعد ٹام ہالینڈ اور زینڈایا نئے فلمی منصوبوں کے ساتھ دوبارہ شوبز کی دنیا میں سرگرم نظر آئیں گے۔