ٹام کروز کی نئی فلم: ہالی ووڈ کے بہترین اداکار ٹام کروز اپنی ایک فرنچائز کی تیسری قسط میں واپسی کر رہے ہیں۔ میکرز نے اس کی اپڈیٹ شیئر کی ہے۔

ہالی ووڈ ایکشن اسٹار ٹام کروز اپنی آنے والی فلم’’ڈِگر‘‘ کو لے کر خبروں میں ہیں۔ اس دوران خبر آ رہی ہے کہ وہ ’’ٹاپ گن ۳‘‘ میں واپسی کر رہے ہیں۔ پیراماؤنٹ نے پروڈیوسر جیری بروک ہائمر کے ساتھ ٹام کروز کی اس فرنچائز میں واپسی کا اعلان کیا ہے۔ انہوں نے یہ بھی بتایا کہ اس فلم پر باضابطہ طور پر کام شروع ہو چکا ہے۔
پہلی فلم کب آئی تھی؟
’’ٹاپ گن‘‘ سیریز کی پہلی فلم ۱۹۸۶ء میں ریلیز ہوئی تھی۔ اس کی دوسری قسط ’’ٹاپ گن: میورک‘‘ (۲۰۲۲ء) میں آئی تھی۔ تیسری قسط’’ٹاپ گن ۳‘‘ کا اعلان ۲۰۲۴ء میں کیا گیا تھا۔’’‘ٹاپ گن ۳‘‘ کے مصنف ایرن کروگر ہیں۔
’’ٹاپ گن: میورک‘‘ نے ریکارڈ توڑ دیے
’’ٹاپ گن: میورک‘‘ ایک بلاک بسٹر فلم تھی۔ اس وقت جب کووڈ۱۹؍ وبا کی وجہ سے سنیما گھروں کو مشکلات کا سامنا تھا، تب اس فلم نے عالمی باکس آفس پر۵ء۱؍ بلین امریکی ڈالر کی کمائی کی تھی۔ اس کا بجٹ ۱۷۰؍ ملین تھا۔

یہ بھی پڑھئے:سنجے لیلا بھنسالی کی’’ لو اینڈ وار‘‘اگلے سال ۲۱؍ جنوری ۲۰۲۷ء کو ریلیز ہوگی

’’ٹاپ گن: میورک‘‘ کی کہانی
۳۶؍سال بعد ٹام کروز نے دوبارہ ’’ٹاپ گن: میورک‘‘(۲۰۲۲ء) میں واپسی کی تھی۔ اس میں انہوں نے لیفٹیننٹ پیٹ ’’میورک‘‘ کا کردار ادا کیا تھا۔ ان کا کردار ایک خطرناک مشن کے لیے پائلٹس کے ایک نئے بیچ کو تربیت دینے کے لیے فلائٹ اسکول جاتا ہے۔ وہیں ان کی ملاقات بریڈلی بریڈشا (مائلز ٹیلر) سے ہوتی ہے، جو ان کے سب سے اچھے دوست کا بیٹا ہے۔ پہلی فلم میں بریڈشا کا انتقال ہو گیا تھا۔

یہ بھی پڑھئے:شریاس ایّر کی شاندار فارم، سلیکٹرز کی توجہ حاصل کی

کرسٹوفر میک کواری نے دی اپڈیٹ
خاص بات یہ ہے کہ مئی ۲۰۲۵ء میں ’’مشن امپاسبل: دی فائنل ریکننگ‘‘کے ڈائریکٹر کرسٹوفر میک کواری نے ٹام کروز کے ساتھ اپنے آنے والے پروجیکٹس کے بارے میں اپڈیٹ شیئر کی، جس میں’’ٹاپ گن۳‘‘ بھی شامل ہے۔