تیلگو سپر اسٹار مہیش بابو کی سالگرہ کے موقع پر بہت زیادہ انتظار کی جانے والی فلم’’وارانسی‘‘ کی ٹیم نے فلم کی دو خصوصی تصاویر جاری کرکے مداحوں کو حیران کردیا۔ ان تصاویر میں پہلی بار فلم میں مہیش بابو کے کردار رودر کی خاص جھلک دیکھنے کو ملی ہے۔

تیلگو سپر اسٹار مہیش بابو کی سالگرہ کے موقع پر بہت زیادہ انتظار کی جانے والی فلم’’وارانسی‘‘ کی ٹیم نے فلم کی دو خصوصی تصاویر جاری کرکے مداحوں کو حیران کردیا۔ ان تصاویر میں پہلی بار فلم میں مہیش بابو کے کردار رودر کی خاص جھلک دیکھنے کو ملی ہے۔

 

 

 

 

 

View this post on Instagram

 

 

 

 

 

 

 

 

 

 

 

A post shared by DiscussingFilm (@discussingfilm)

پہلی تصویر میں رودر گھنے جنگل کے درمیان بانس کی بنی ہوئی بیڑی پر آرام کرتے نظر آ رہے ہیں۔ ان کا انداز انتہائی پرسکون اور پرکشش ہے، تاہم ان کی شخصیت میں کردار کی گہرائی اور شدت بھی واضح طور پر دکھائی دیتی ہے۔ دوسری تصویر کینیا کے وسیع و عریض ماسائی مارا کے میدانوں کی ہے، جہاں رودر زرافوں اور وائلڈ بیسٹ کے درمیان کھڑے دکھائی دے رہے ہیں۔ ان کی نگاہوں میں ایک الگ ہی اعتماد اور رعب نظر آتا ہے۔

یہ بھی پڑھئے:راکنگ اسٹار یش کی فلم’’ٹاکسک‘‘ کا ٹریلر جاری

دونوں تصاویر فلم کی شاندار اور وسیع دنیا کی جھلک پیش کرتی ہیں۔فلم ’’وارانسی‘‘ ایک ایسی عالمی اور کئی صدیوں پر محیط کہانی ہے، جس میں ایک غیر معمولی شخص کا سفر ہندوستان کی مقدس سرزمین اور دریاؤں سے شروع ہو کر دنیا کے انتہائی منفرد اور جنگلی علاقوں تک پہنچتا ہے۔ فلم کے ہدایت کار ایس ایس راجامولی نے رودر کے کردار کے بارے میں کہا کہ اس کی پیدائش اس سے کہیں بڑے مقصد کو پورا کرنے کے لیے ہوئی ہے۔ وہ ایسی تقدیر کے ساتھ آگے بڑھ رہا ہے جس کا انتخاب اس نے خود نہیں کیا۔ وہ مزاحیہ بھی ہے، کمزور بھی پڑتا ہے اور انتہائی طاقتور بھی ہے۔ مہیش بابو ان تمام جذبات کو اپنے کردار میں بخوبی لے کر آئے ہیں۔

یہ بھی پڑھئے:مانچسٹر سپر جائنٹس نےشکست دے کر ناک آؤٹ مرحلے کی امیدیں برقرار رکھیں

فلم ’’وارانسی‘‘ کی ہدایت کاری ایس ایس راجامولی نے کی ہے جبکہ فلم کی موسیقی ایم ایم کیروانی نے دی ہے۔ فلم کو سری درگا آرٹس اور شوئنگ بزنس نے پروڈیوس کیا ہے۔ یہ فلم ۷؍اپریل ۲۰۲۷ء کو دنیا بھر میں آئی میکس فارمیٹ میں ریلیز کی جائے گی۔