وکرانت میسی نے دھرما پروڈکشن کی پہلی فلم کی تصدیق کی ہے ۔ خبروں کے مطابق جھانوی کپور باہرفلم سے باہر ہوگئی ہیں۔ سری لیلا نئی ہیروئن کے طور پر شامل ہو سکتی ہیں۔

بالی ووڈ کی چند فلموں نے حالیہ دنوں میں دوستانہ۲؍ کی طرح سنسنی پیدا کی ہیں۔ کرن جوہر کے دھرما پروڈکشن کے تحت اس کے اعلان کے بعد سے یہ پروجیکٹ غیر یقینی صورتحال میں گھرا ہوا ہے۔ کاسٹ میں ردوبدل سے لے کر اس کے موضوع کے بارے میں افواہوں تک، فلم مسلسل قیاس آرائیوں کے چکر میں پھنسی ہوئی ہے۔ برسوں سے  شائقین  سوچ رہے ہیں کہ دوستانہ ۲؍  بنےگی  یا نہیں؟اداکار اور نیشنل ایوارڈ یافتہ وکرانت میسی نے آخرکار کچھ سسپنس کو ختم کیا۔ میڈیا سے بات چیت کے دوران  میسی نے انکشاف کیا کہ دوستانہ۲؍ واقعی  بن رہی ہے  اور یہ دھرما پروڈکشن کے ساتھ ان کا پہلا پروجیکٹ  ہے۔  اب اس بات کی تصدیق ہو گئی ہے کہ لکشیا   جو اصل میں  دوستانہ۲؍ کے ساتھ بالی ووڈ میں قدم رکھنے والے تھے، اس فلم سے منسلک رہیں گے۔ لکشیا کو۲۰۱۹ء میں دھرما پروڈکشن کے ذریعہ لانچ کیا گیا تھا، لیکن فلم میں ان کی بڑی اسکرین کی شروعات متعدد رکاوٹوں کی وجہ سے تاخیر کا شکار ہوئی۔ ابتدائی طور پر، لکشیا کو  دوستانہ۲؍ میں کارتک آرین اور جھانوی کپور کے ساتھ کام کرنا تھا  تاہم، دونوں ستارے اب اس منصوبے کا حصہ نہیں ہیں۔

یہ بھی پڑھیئے:سنجے لیلا بھنسالی کی ’’بیجو باورا‘‘ میں رنویر سنگھ کے بجائے رنبیر کپور

جب وکرانت میسی سے پوچھا گیا کہ جھانوی کی جگہ کون مرکزی کردار ادا کرے گا تو وہ خاموش رہے اور کہا کہ وہ پروڈکشن ہاؤس کی جانب سے آفیشل اعلان کا انتظار کریں گے۔ اس سے فلم کے بارے میں قیاس آرائیوں کو مزید ہوا ملی ہے۔
 دریں اثنا، انڈسٹری میں یہ چرچا ہے کہ تیلگو اسٹار سری لیلا فلم میں شامل ہونے کے لیے بات چیت کر رہی ہیں۔ کچھ مہینے پہلے ایک ذرائع  نے ہمیں بتایا کہ سری لیلا کے کردار کے لیے سنجیدگی سے غور کیا جا رہا ہے۔  ذرائع  نے کہا کہ دوستانہ۲؍ کی کہانی وہی رہے گی، لیکن کاسٹ اور ہدایتکار کو تبدیل کر دیا گیا ہے۔ جھانوی کپور، جو اصل میں مرکزی کردار میں تھیں، اب اس فلم کا حصہ نہیں ہیں، ان کی جگہ، پروڈیوسر اس کردار کے لیے سری لیلا پر غور کر رہے ہیں۔