یَش چوپڑہ فاؤنڈیشن (وائی سی ایف)، جو یش راج فلمز کی فلاحی اکائی ہے، نے جمعہ کو وائی سی ایف اسکالرشپ پروگرام ۲۰۲۶ء کا اعلان کیا۔ یہ اس اقدام کا دوسرا سال ہے اور ہندی فلم انڈسٹری سے وابستہ خاندانوں کے بچوں کی اعلیٰ تعلیم کو سپورٹ دینے کے اپنے عزم کو مزید مضبوط کرتا ہے۔

یَش چوپڑہ فاؤنڈیشن (وائی سی ایف)، جو یش راج فلمز کی فلاحی اکائی ہے، نے جمعہ کو وائی سی ایف اسکالرشپ پروگرام ۲۰۲۶ء کا اعلان کیا۔ یہ اس اقدام کا دوسرا سال ہے اور ہندی فلم انڈسٹری سے وابستہ خاندانوں کے بچوں کی اعلیٰ تعلیم کو سپورٹ دینے کے اپنے عزم کو مزید مضبوط کرتا ہے۔

یہ اسکالرشپ پروگرام رجسٹرڈ ہندی فلم انڈسٹری ورکرز اور وائی سی ایف ساتھی ممبرز کے بچوں کے لیے ہے، جو فلم انڈسٹری کے ایکو سسٹم میں اہم کردار ادا کرتے ہیں۔ وائی سی ایف ہر طالب علم کو۵؍ لاکھ روپے تک کی مالی مدد فراہم کرے گا، تاکہ وہ اپنی زندگی کے مقاصد حاصل کر سکیں۔ یہ اقدام مستحق طلبہ کو تعلیمی سال  ۲۷۔۲۰۲۶ء کے لیے  ہندوستان  کے تسلیم شدہ اداروں میں انڈرگریجویٹ اور پوسٹ گریجویٹ تعلیم حاصل کرنے کے قابل بنائے گا۔ انتخاب تعلیمی قابلیت اور مالی ضرورت کی بنیاد پر کیا جائے گا۔
یہ پروگرام فلم اسٹڈیز، میڈیا اور کمیونیکیشن، اینیمیشن اور ویژول ایفیکٹس، سنیماٹوگرافی، ڈائریکشن اور ویژول آرٹس جیسے کئی پیشہ ورانہ اور تخلیقی شعبوں میں تعلیم حاصل کرنے والے طلبہ کی مدد کرتا ہے۔ اس سال اس میں انجینئرنگ، میڈیکل اور پیرا میڈیکل سائنسز، بزنس اور مینجمنٹ، لا اور انفارمیشن ٹیکنالوجی جیسے پروفیشنل اسٹریمز میں پوسٹ گریجویٹ کورسز کو بھی شامل کیا گیا ہے۔ یہ اسکالرشپ اہل کورسز کی ٹیوشن فیس کو کور کرے گی اور  این اے اے سی  سے منظور شدہ،اے آئی  سی ٹی ای  سے منظور شدہ یا سرکاری طور پر تسلیم شدہ اداروں پر لاگو ہوگی، جس سے مالی رکاوٹوں کو کم کیا جا سکے اور اعلیٰ تعلیم کے مواقع فراہم کیے جا سکیں۔
اس پروگرام کے بارے میں بات چیت کرتے ہوئے، وائی آر ایف کے سی ای او اکشے ودھانی نے کہاکہ ’’وائی سی ایف اسکالرشپ پروگرام کے دوسرے سال کے آغاز پر ہمیں بے حد خوشی ہے کہ ہم ہندی فلم انڈسٹری کے خاندانوں کے بچوں کو بڑے خواب دیکھنے اور تعلیم کے ذریعے ایک مستحکم مستقبل بنانے کے لیے بااختیار بنا رہے ہیں۔ اس سال کی توسیع ہمارے اس عزم کی عکاسی کرتی ہے کہ ہم فلم انڈسٹری کے ۶۰؍فیصد خاندانوں کی مدد کرنا چاہتے ہیں، جو تعلیم کے اخراجات کے حوالے سے چیلنجز کا سامنا کر رہے ہیں، جیسا کہ وائی سی ایف ساتھی سروے میں سامنے آیا ہے۔ یہ اسکالرشپس ان بچوں کے روشن مستقبل کو محفوظ بنانے کے مقصد سے دی جا رہی ہیں۔ ہم تمام اہل خاندانوں سے جلد درخواست دینے کی اپیل کرتے ہیں۔‘‘

یہ بھی پڑھئے:اداکار کے طورپر کام حاصل کرنے کیلئے جتیندر نے ۵؍ سال جدوجہد کی

وائی سی ایف ساتھی سروے کے مطابق، فلم انڈسٹری کے ۶۰؍ فیصد سے زیادہ خاندان اعلیٰ تعلیم کے لیے مالی مشکلات کا سامنا کرتے ہیں۔ یہ اسکالرشپ اس خلا کو کم کرنے اور طویل مدتی معاشی استحکام کے مواقع پیدا کرنے کی کوشش ہے۔

یہ بھی پڑھئے:روس نے نوبیل انعام یافتہ انسانی حقوق کی تنظیم ’میموریل‘ کو’انتہا پسند‘ قرار دیا

منتخب امیدواروں کو ایک منظم کثیر مرحلہ جاتی جانچ کے عمل سے گزرنا ہوگا، جس میں اسکریننگ اور ذاتی انٹرویو شامل ہوں گے۔ کامیاب امیدواروں کو اس پروگرام کے تحت مالی معاونت دی جائے گی اور فیس براہِ راست متعلقہ اداروں کو ادا کی جائے گی۔ دلچسپی رکھنے والے امیدوار وائی سی ایف کے سرکاری چینلز کے ذریعے درخواست دے سکتے ہیں۔ مزید معلومات کے لیے یش چوپڑا فاؤنڈیشن کی ویب سائٹ [https://www.yashrajfilms.com/yash-chopra-foundation](https://www.yashrajfilms.com/yash-chopra-foundation) ملاحظہ کریں یا [contact@yashchoprafoundation.org](mailto:contact@yashchoprafoundation.org) پر ای میل کریں۔