کئی معاملات میں یہ آئی فون ۱۷؍پرو کی نقل معلوم ہوتا ہے، اس کا کیمرہ موڈیول، اور سافٹ ویئر میں ایپل کے فون کی جھلک کافی حد تک نظر آتی ہے۔

عالمی اسمارٹ فون صنعت کیلئے اپریل ۲۰۲۶ءکافی دلچسپ ثابت ہوا، کیونکہ اس مہینے کئی ایسے مڈ رینج ہینڈ سیٹس متعارف کرائے گئےجنہیں قیمت کے مقابلے میں بہترین قرار دیا جا رہا ہے۔ ریم کی قلت برقرار رہنے کے باعث اسمارٹ فون بنانے والی کمپنیاں اب بہترچِپ سیٹس، بڑی بیٹریوں اور دلکش ڈیزائن پر زیادہ توجہ دینے پر مجبور دکھائی دیتی ہیں تاکہ فون کی بڑھتی ہوئی قیمتوں کو جواز فراہم کیا جا سکے۔ انہی کمپنیوں میں انفنکس بھی شامل ہے، جس نے موبائل ورلڈ کانگریس میں اپنی نئی نسل کے نوٹ سیریز ہینڈ سیٹس پیش کیے تھے۔ اگرچہ اس سیریز کے۳؍میں سے دو ماڈلز ابھی ہندوستان نہیں پہنچے، لیکن انفنکس نوٹ ۶۰؍پرو ضرور ہندوستانی بازار میں آ چکا ہے۔ 
قیمت
تقریباً ۳۲؍ہزار روپےسےکم قیمت والے اس اسمارٹ فون کےبارے میں کمپنی کا دعویٰ ہے کہ یہ نہ صرف عمدہ کارکردگی فراہم کرے گا بلکہ اپنے درجے میں کچھ منفرد خصوصیات بھی پیش کرے گا۔ 
ڈیزائن
اگر آپ نےاس فون کی تصاویر دیکھی ہیں تو آپ جانتے ہوں گے کہ اس فون کا ڈیزائن بڑی حد تک آئی فون ۱۷؍پروسےمتاثر معلوم ہوتا ہے، خاص طور پر اس کے نئے مستطیل پچھلے کیمرا ماڈیول کی وجہ سے۔ تاہم، محض نقل بننے کے بجائے انفنکس نےاس میں اپنا الگ انداز شامل کیا ہے، اگرچہ حوالہ شدہ ڈیزائن سے مشابہت واضح محسوس ہوتی ہے۔ گلاس سینڈوچ ڈیزائن ہاتھ میں پکڑنے میں کافی آرام دہ محسوس ہوتا ہے، جبکہ ابھرا ہوا کیمرا ڈیکو ایک ہاتھ سے استعمال کے دوران شہادت کی انگلی رکھنے کے لیے موزوں جگہ فراہم کرتاہے۔ اس کے علاوہ فون کی باڈی بھی خاصی مضبوط ہے۔ فلیٹ ایلومینیم فریم اسے مہنگے فون جیسا احساس دیتا ہے، جو اس کی شخصیت کو مزید بہتر بناتا ہے۔ اس کی موٹائی اپنے سب سے پتلے حصے پر صرف ۷ء۴۵؍ملی میٹر ہے، جو۳۵؍ہزار روپے سے زائد قیمت والے بعض فونز سے بھی کم ہے۔ 
ڈسپلے
اس میں سامنے کی جانب۶ء۷۸؍انچ کا بڑاامولیڈ ڈسپلے دیا گیا ہے، جوویڈیوز دیکھنے اور ریلز اسکرول کرنے کے لیے نہایت موزوں محسوس ہوتا ہے۔ ۱ء۵؍کےریزولوشن والی یہ اسکرین خاصی شارپ دکھائی دیتی ہے۔ تاہم اس کے پچھلے حصے میں ایک ایکٹیو میٹرکس ڈسپلےبھی دیا گیا ہے، جو کافی حد تک نتھنگ کےمشہورگلف میٹرکس انٹرفیس سے متاثر معلوم ہوتا ہے۔ 
سافٹ ویئر
ایک اور شعبہ جہاں ایپل کا اثر نمایاں نظر آتا ہے، وہ سافٹ ویئرہے۔ اینڈرائڈ ۱۶؍پرمبنی ایکس او ایس ۱۶؍انٹرفیس ایک روایتی اینڈرائیڈ یو آئی کم اور آئی او ایس جیسا زیادہ محسوس ہوتا ہے۔ یہاں تک کہ اس کے ڈیفالٹ وال پیپرز بھی آئی فون ۱۷؍پروکے مشہور وال پیپرز کی نقل معلوم ہوتے ہیں۔ 

یہ بھی پڑھئے: اوپو ایف ۳۳؍ پرو ۵؍ جی: منفرد ڈیزائن کا حامل اسمارٹ فون

ہارڈویئر
اسنیٹ ڈریگون ۷؍ایس جنریشن۴؍چپ سیٹ سے لیس یہ فون ۴؍ این ایم پروسیس پر مبنی آکٹا کور پروسیسر استعمال کرتا ہے، جس میں ۴؍ایفیشنسی کور، ۳؍پرفارمنس کور اور ایک پرائم کورشامل ہے۔ 
کیمرہ
۵۰؍میگاپکسل مین کیمرا اور۸؍میگا پکسل الٹرا وائیڈ کیمرا والا ڈوئل ریئر کیمرا سیٹ اپ ۲۵؍سے ۴۰؍ہزار روپے والے طبقے میں کافی عام ہے۔ لیکن حیرت کی بات یہ ہے کہ یہ فون اچھی تصاویر لینے کی صلاحیت رکھتا ہے۔ اگرچہ رنگوں کی درستگی مکمل نہیں، مگر ۵۰؍میگا پکسل مین شوٹر باریک تفصیلات اچھی طرح محفوظ کر لیتا ہے۔ زوم کرنےپر بالوں کی باریک لٹیں بھی واضح دکھائی دیتی ہیں اور مختلف ٹیکسچرمیں فرق آسانی سے محسوس کیا جا سکتا ہے۔ 
بیٹری
اس کی ایک اور مضبوط خصوصیت اس کی بیٹری ہے۔ اسٹینڈ بائی ٹائم کافی متاثر کن ہے، کیونکہ وائی فائی اور بلیو ٹوتھ آن رہنے کے باوجود رات بھر میں بیٹری اوسطاً صرف۲؍ فیصد کم ہوتی ہے۔ عام استعمال میں آپ کئی دن تک فون کو بغیر چارج کیے استعمال کر سکتے ہیں۔ مزید یہ کہ فون میں مختلف پاور سیونگ موڈبھی دیے گئے ہیں تاکہ بیٹری سے زیادہ سے زیادہ فائدہ اٹھایا جا سکے۔ فون تقریباً۲۰؍ گھنٹےچل سکتا ہے۔ اس میں مختلف چارجنگ موڈ بھی دیئے گئے جن میں سلو چارجنگ، بیلنسڈاور ہائپر چارجنگ موڈشامل ہیں۔