مشکل حالات میں شاہ رخ خان ہی وہ شخصیت تھے جنہوں نے شریاس تلپڑے کو اپنے سر پر چھت فراہم کرنے میں مدد کی تھی۔ جب ہر راستہ بند ہوتا دکھائی دے رہا تھا، تب بالی ووڈ کے اس سپر اسٹار نے آگے بڑھ کر ان کا ساتھ دیا۔

مشکل حالات میں شاہ رخ خان ہی وہ شخصیت تھے جنہوں نے شریاس تلپڑے کو اپنے سر پر چھت فراہم کرنے میں مدد کی تھی۔ جب ہر راستہ بند ہوتا دکھائی دے رہا تھا، تب بالی ووڈ کے اس سپر اسٹار نے آگے بڑھ کر ان کا ساتھ دیا اور ثابت کر دیا کہ ان کا فراخ دل مزاج ضرورت مندوں کی مدد کے لیے ہمیشہ تیار رہتا ہے۔چاہے کوئی ان کا ساتھی اداکار ہو یا نہ ہو، شاہ رخ خان کو جب بھی موقع ملتا ہے، وہ دوسروں کی مدد اور حوصلہ افزائی کے لیے ضرور آگے آتے ہیں۔ ان کے ایک خط نے شریاس تلپڑے کے لیے وہ کام کر دکھایا، جس کے لیے وہ کافی عرصے سے جدوجہد کر رہے تھے، یعنی اپنے خوابوں کے گھر کے لیے قرض حاصل کرنا۔

یہ بھی پڑھئے:این آر سی، ووٹر آئی ڈی اور پین کارڈ سمیت ۱۵؍ دستاویز دئیے پھر بھی شہریت’’ ثابت‘‘ نہیں ہوئی

دراصل ہدایت کار فرح خان اپنے یوٹیوب چینل کے لیے شریاس تلپڑے کے گھر پہنچیں،جہاں گفتگو کے دوران اداکار نے بڑی بے تکلفی سےبتایاکہ گھر خریدنے کے لیے بینک سے قرض حاصل کرنا ان کے لیے کتنا مشکل ثابت ہو رہا تھا۔ اس وقت وہ اپنی پہلی رہائش گاہ کی تلاش میں تھے اور ’’اوم شانتی اوم‘‘ کی شوٹنگ جاری تھی۔ اسی دوران شاہ رخ خان نے ان کا یہ خواب پورا کرنے میں اہم کردار ادا کیا۔ شریاس تلپڑے نے بتایا، ’’میں بینک گیا تھا، لیکن میری لون ایلیجبلٹی نہیں بن رہی تھی۔ بینک کی افسر نے مجھ سے پوچھا کہ میں کس فلم میں کام کر رہا ہوں۔ میں نے کہا، ’اوم شانتی اوم‘۔ پھر انہوں نے پوچھا کہ اس فلم میں ہیرو کون ہے، تو میں نے جواب دیا، ’شاہ رخ خان‘۔ اس کے بعد انہوں نے پوچھا کہ ہدایت کار کون ہیں، تو میں نے کہا، ’فرح خان‘۔ پھر انہوں نے کہا کہ اگر میں ان دونوں میں سے کسی کا ایک خط لے آؤں تو شاید کام بن جائے۔‘‘

یہ بھی پڑھئے:فلم ’دیوانہ‘ شاہ رخ خان کو اتفاق سے ملی تھی!

شریاس کے مطابق، فلم کے مرکزی اداکار اور ہدایت کار سے ان کا تعلق ہی ان کے لیے گھر کے قرض کا ذریعہ بنا۔ انہوں نے مزید کہا، ’’میں نے فرح کو فون کیا اور صرف دو دن کے اندر انہوں نے شاہ رخ خان سے بینک کے نام ایک خط لکھوا دیا۔ اسی شام میرا قرض منظور ہو گیا اور ہم اپنا پہلا گھر خریدنے میں کامیاب ہو گئے۔‘‘شاہ رخ خان اور فرح خان کی اس معمولی سی مدد نے شریاس تلپڑے کی زندگی کا ایک بڑا خواب پورا کر دیا۔ صرف ایک خط نے ان کی برسوں کی خواہش کو حقیقت میں بدل دیا۔