سماج وادی پارٹی کے سربراہ اکھلیش یادو کے۱۲؍ دسمبر کو ایودھیا رام مندر کے طے شدہ دورے نے سیاسی حلقوں میں کئی سوالات اٹھائے ہیں۔

سماج وادی پارٹی کے سربراہ  اکھلیش یادو کے۱۲؍ دسمبر کو ایودھیا رام مندر کے طے شدہ دورے نے سیاسی حلقوں میں کئی سوالات اٹھائے ہیں۔ رام مندر کی افتتاحی تقریب (جنوری۲۰۲۴ء) کے بعد ایودھیا کا یہ ان کا پہلا دورہ ہوگا۔ اکھلیش کی حکمت عملی واضح ہے۔ اب کچھ عرصے سے، وہ اپنی پارٹی کی حمایت کی بنیاد کو ایم وائی (مسلم-یادو) مساوات سے آگے بڑھانے کی کوشش کر رہے ہیں۔پچھلی بار، ایس پی نے پی ڈی اے (پسماندہ، دلت، اور اقلیت) مہم شروع کی تھی، اور اکھلیش نے لوک سبھا انتخابات میں اس کا فائدہ اٹھایا۔ انہوں نے یادو کو صرف۵؍ ٹکٹ دیئے اور بڑی تعداد میں او بی سی امیدواروں کو میدان میں اتارا۔۲۰۲۴ء میں ایس پی کی۳۷؍ سیٹوں میں سے۲۰؍ او بی سی امیدواروں نے جیتی تھی۔ ان میں سے۱۵؍ غیر یادو او بی سی تھے۔۸؍ دلت اور۴؍ مسلم امیدوار بھی جیتے تھے۔ واضح رہے کہ اتر پردیش وہ ریاست تھی جس نے۲۰۲۴ء کے لوک سبھا انتخابات میں بی جے پی کو روکا تھا اوراس کی سیٹوں کی تعداد کو گھٹا کر۲۴۰؍ پر روک دیا تھا۔

یہ بھی پڑھئے: کیاعالمی سطح پر نفرت پر مبنی اِنتہا پسند سیاست کا سورج غروب ہوا چاہتا ہے؟

لیکن اس بار،  اکھلیش یادو نے اپنے پی ڈی اے مساوات میں ایک اور ’پی‘کا اضافہ کیا ہے یعنی پنڈت۔ تاہم، ماضی کے تجربات کو دیکھتے ہوئے ایسا نہیں لگتا ہے کہ وہ سماجوادی کو اتنی آسانی سے ووٹ دیں  گے جواتر پردیش کی آبادی کا تقریباً۱۰؍ فیصد ہیں... تاہم، انہیں یقینی طور پر  انتخابات سے ’الگ‘ رہنے کیلئے راضی کیا جا سکتا ہے، جس سے سماج وادی پارٹی اور انڈیا اتحاد کو فائدہ ہوگا۔

بی جے پی حکومت سے عدم اطمینان کے باوجود، برہمن کے کچھ حلقے کانگریس کی طرف دیکھ سکتے ہیں، بشرطیکہ کانگریس اپنی تنظیم کو مضبوط کر سکے۔ برہمن برادری کو یہی پیغام دینے کیلئے کہ پارٹی ان کی قدر کرتی ہے، کانگریس نے ایک برہمن خاتون آرادھنا مشرا کو ریاستی صدر مقرر کیا ہے۔لیکناس طرح کا کوئی علامتی چہرہ اور جین زی میں راہل گاندھی کی بڑھتی مقبولیت بھی  ریاست میں کانگریس کی تنظیم کی کمزوری کی تلافی نہیں کر سکتی ہے۔

ایسے میں  اکھلیش یادو کا ایودھیا دورہ پارٹی کی شبیہ کو نرم کرنے اور اعلیٰ ذاتوں بالخصوص برہمن برادری تک پہنچنے کی سوچی سمجھی حکمت عملی دکھائی دے رہی ہے کیونکہ برہمن طبقہ پہلے ہی یوگی کی قیادت میں ریاست میں ’ٹھاکر راج‘ سے اور یو جی سی کے ضابطوں سے غیر مطمئن ہے جو جنرل طلبہ کے خلاف اور او بی سی اور دلتوں کے حق میں سمجھے جاتے ہیں۔

یہ بھی پڑھئے: اسرائیل کا ساتھ امریکہ بھی چھوڑ رہا ہے!