اس شعبے کے لئے گریجویشن سے لے کر پوسٹ گریجویشن تک کےمختلف کورسیز موجود ہیں،مارکٹنگ، کنٹینٹ رائٹنگ، ڈیزائننگ سے لے کر کئی طرح کے ذیلی شعبوں میں پرکشش تنخواہ والی ملازمتیں حاصل کی جاسکتی ہیں

موجودہ زمانے کو ’’ایڈ میڈورلڈ‘  کہا جائے تو کوئی دو رائے نہیں ہوگی۔ ہم جس دنیا میں بھی رہے ہیں یہ دراصل اشتہارات کی دنیا ہے۔ جیسے ہی ہم شہر میں نکلتے ہیں ہر جانب اشتہارات نظر آتے ہیں، نئی نئی اشیاء سے لوگوں کو روشناس کرانے کیلئے  ایڈورٹائرنگ کمپنیاں اخبارات، رسالے، میگزین، بینرس وغیرہ کا استعمال کرتے ہیں۔ اسی طرح ہوٹلیں، دکانیں، ٹراویل ایجنٹ، ہائوسنگ کامپلیکس وغیرہ اپنی بات او راپنا مقصد دوسروں تک پہنچانے کے لئے  اشتہار کا استعمال کرتے ہیں۔عوام میں بیداری پیدا کرنے کیلئے   یا معلومات کیلئے  اشتہارات بنائے جاتے ہیں۔  ایڈور ٹائرنگ دراصل، کمیونی کیشن کاایک حصہ ہے آج مارکٹنگ کی بنیاد بن چکی ہے۔ اشتہارجسے کمپنیوں اور برانڈز نے اپنی مصنوعات / خدمات کی مارکیٹنگ کے لئے منتخب کیا ہے۔ اشتہارات مؤثر کمیونی کیشن  کے ذریعےممکنہ صارفین تک پہنچنے میں مدد کرتے ہیں۔ طاقتور اشتہاری مہم جو لوگوں کے ذہنوں پر دیرپا تاثر چھوڑنے کا انتظام کرتی ہیں انہیں کامیاب سمجھا جاتا ہے۔ اس شعبہ میں دلچسپی  رکھنے والے امیدوار کچھ الگ ڈھنگ سے سوچنے والے ہوتے ہیںان امیدواروں کیلئے اشتہارات  میں کریئر بنانا ایک بہترین آپشن ہوگا۔ اس میدان میں منافع بخش اور زیادہ معاوضہ دینے والے کام کے مواقع مل سکتے ہیں۔  اشتہارات اخبارات، ٹیلی ویژن، ریڈیو، فلائرز، بل بورڈز، ویب سائٹس، سوشل میڈیا اور دیگر پلیٹ فارمز کے ذریعے کئے  جاتے ہیں۔ یہ ایک بڑی صنعت ہے اور مختلف شعبوں سے زیادہ آمدنی حاصل کرتی ہے۔ حال ہی میں، اشتہارات کی ایک نئی شکل نے بہت مقبولیت حاصل کی ہے۔ یہ ڈیجیٹل ایڈورٹائزنگ ہے، اور انٹرنیٹ کی بڑھتی ہوئی رسائی کے ساتھ۔ یہ سب کچھ ڈیجیٹل پلیٹ فارمز جیسے ویب سائٹس اور سوشل میڈیا پر اشتہارات سے ہورہا ہے۔
ہمارے ملک میں اشتہارات کا دائرہ کار
 ہندوستان میں اشتہاری صنعت کی مالیت ۵۶۴؍بلین ہندوستانی روپے تھی۔ اس کے ۲۰۲۲کے آخر تک سات سو بلین  ہندوستانی روپے کی مارکیٹ کے حجم تک بڑھنے کی پیش گوئی کی گئی ہے۔ یہ تیزی سے بڑھ رہی ہے، اور تیزی سے ڈیجیٹلائزیشن کی بدولت، آنے والے برسوں میں اس صنعت کے مزید ترقی کی توقع ہے۔
ملازمت کے مواقع
 اشتہارات کےشعبے میں ملازمت کے بے پناہ مواقع ہیں۔ اس انڈسٹری میں ہرسال فریش گریجویٹس کو بے شمار ملازمتیں مل رہی ہیں۔امیدوار کی دلچسپی کے شعبے اور مہارتوں کے مطابق،  اشتہارات میں ملازمت اختیار کر سکتے ہیں اور ہندوستان میں اشتہارات میں ایک پھلتا پھولتا کریئر حاصل کر سکتے ہیں۔ مشہور جاب پروفائلز جو آپ کو اشتہارات کے میدان میں ملیں گے وہ ہیں۔n کاپی رائٹر nاکاؤنٹ مینیجر nتخلیقی ہدایتکارnالسٹریٹر  nآرٹ ڈائریکٹر nپروڈکشن منیجر nمیڈیا پرجیز مینیجر nمیڈیا پلاننگ مینیجر
پی پی سی اور فیس بک ایڈ ایکسپرٹ
 امیدوار کی صلاحیتوں اور مہارتوں پر منحصر ہےکہ وہ کون سی قسم کی  ملازمت  اختیار کرتا ہے۔ مثال کے طور پر، اگر آپ اشتہاری پیغامات بنانے میں اچھے ہیں، تو آپ کاپی رائٹنگ کا انتخاب کر سکتے ہیں۔ اسی طرح، اگر آپ کلائنٹ سروسنگ میں بہت اچھے ہیں، تو آپ اکاؤنٹ مینجمنٹ کیلئے  جا سکتے ہیں۔ اس شعبے میں کئی طرح کی مہارت رکھنے والے اشخاص شامل ہوتے ہیں۔ جن میں خا ص  طور سے چار بڑے شعبے میں اس کو تقسیم کیا جاسکتا  ہے:(۱)  ایگزیکٹیو ڈپارٹمنٹ (۲) کریٹیو ڈپارٹمنٹ (۳)  مارکیٹ ریسرچ (۴) کاپی رائٹر
 ایگزیکیٹو ڈپارٹمنٹ:  اس شعبے کے تحت صارف  یا اشتہار دینے والے کی ضرورتوں کو سمجھنا، ان کو اپنی کمپنی کے ذریعے اشتہارات بنوانے کے تیار کرنا، نئے گراہک ڈھونڈنا، اشتہار کے لئے  صحیح میڈیم کا انتخاب کرنے میں صارف کی مدد کرنا شامل ہے، اشتہار کا وقت، مدت ، سائز اور قیمت کا صحیح اندازہ کرنا۔ان کاکام ہوتاہے کہ وہ گاہک کو بتائیں اس اشیاء کے  اشتہار کے لئے سب سے سود مند اور فائدہ مند ذریعہ (میڈیا) کیا ہوگا۔ ریڈیو ، ٹی وی ہورڈنگر وغیرہ۔کریٹیو ڈپارٹمنٹ: اس شعبے کے ماہرین اصل اشتہار بنانے پر کام کرتے ہیں، کس طرح کے اشتہار کی ضرورت ہے، اشتہار کے جملے، الفاظ، تصویریں  اور دیگر چیزیں کیسے اشتہار کو منفر بنائے گی اس پر کام کرنا۔ اشتہاری ایجنسیوں کی کامیابی کی اصل ذمہ دار اس کا کِریٹیو ڈپارٹمنٹ ہوتاہے۔ اس ڈپارٹمنٹ کا سربراہ’ کِریٹیو ڈائرکٹر‘کہلاتا ہے جو کاپی رائٹرز ، اسکرپٹ رائٹرز ، فوٹو گرافرس آرٹسٹ ،ڈیزائنر او رپرنٹر کے ساتھ مل کر اس ڈپارٹمنٹ کو سنبھالتاہے۔ مارکیٹ ریسرچ:  یہ اشخاص بازار میں جاکر اس بات کا پتہ لگاتے ہیں کہ بازار میں اس خاص شئے کی کتنی مانگ ہے۔ اس کی پبلسٹی سے کمپنی کو کتنا فائدہ ہوگا۔ اس مخصوص شئے کو بنانے کے لئے  اور کتنی کمپنیاں مدمقابل ہیں۔ ان کے مقابلے کے طریقے وذرائع کیا ہوسکتے ہیں۔کاپی رائٹر:  کاپی رائٹر اشتہار کی تحریر لکھتے ہیں، جب کہ اسکرپٹ رائٹرس ریڈ بویا ٹیلی ویژن کے مقالے لکھتے ہیں۔ یہ کام بہت محنت، بڑا مشکل اور کریٹیو ورک ہے جس کے لئے  انھیں خاطرخواہ پیسہ بھی ملتا ہے۔
درکار صلاحیتیں
 بہتر بنیادی تعلیم , ذہانت,  ,  بہتر اختراعی صلاحیت ,  بہتر تعلقات  ,خوش طبع مزاجی  ,صبروضبط کا مادہ, طاقت و قوت  تاکہ مسلسل کام کرسکیں۔, کچھ الگ سوچنا اور کرنا ,فیصلہ لینے کی قوت 
اشتہارات کے شعبہ کے کورسیز چلانے والے ادارے
 ہندوستان میں کئی کالج اشتہارات میں ڈگریاں پیش کرتے ہیں۔ اس کا انتخاب کرنا ضروری ہے جو آپ کے مقام، کورس کی ساخت، فیس وغیرہ کی ضروریات کے مطابق ہو۔ آئیے کچھ اعلیٰ درجے کے کالجوں کو دیکھتے ہیں جو ہندوستان میں اشتہارات پر کورسز پیش کرتے ہیں۔
انڈین انسٹی ٹیوٹ آف ماس کمیونی کیشن، دہلی
 ایم آئی سی اے ، مدرا انسٹی ٹیوٹ آف کمیونی کیشن اسٹیڈیز ،ممبئی اور احمد آباد
زیویئرس انسٹی ٹیوٹ آف کمیونی کیشن، ممبئی
آر جے کالج، ممبئی یونیورسٹی، ممبئی
 سینٹ زیویئر کالج، کولکاتا 
 پنجاب یونیورسٹی (اسکول آف کمیونی کیشن اسٹڈیز)، چندی گڑھ
 سمبائسس انسٹی ٹیوٹ آف بزنس مینجمنٹ، پونے
 کلکتہ میڈیا انسٹی ٹیوٹ (سی ایم آئی کلکتہ)، کولکاتا
 بھارتیہ ودیا بھون، نئی دہلی اور ممبئی
کورسیز کی تفصیلات
 بارہویں جماعت کے بعد ۳؍ سالہ انڈر گریجویٹ کورس بی ایم ایم (بیچلر آف ماس میڈیا) جس کا نیا نام بی اے ان ماس کمیونی کیشن  اینڈ جرنلزم اس کورس آخری سا ل میں دو مضامین جرنلزم یا ایڈور ٹائزنگ کا انتخاب کرنا ہوتاہے۔ اس کے علاوہ زیادہ تر کورسیز گریجویشن کے بعد کہے جاسکتے ہیں جس کی تفصیلات درج ذیل ہے: 
 بھونس کالج آف کمیونی کیشن ، چوپاٹی ،ممبئی۔۷ 
کورس کا نام: ایک  سالہ کورس ، پی جی ڈپلوما اِن ایڈورٹائزنگ
تعلیمی لیاقت : گریجویشن ، انٹرنس، انٹرویو
بھارتیہ ودیا بھون، ورسواروڈ، اندھیری ، ممبئی ۵۸
کورسیز:-ایک سالہ کورس ، پی جی ڈپلوما اِن ایڈورٹائزنگ
-ایک  سالہ کورس ، پی جی ڈپلوما اِن ایڈورٹائزنگ

صوفایہ کالج، آر کے سومانی پالی ٹیکنک، ممبئی ۔۲۶
-ایک سالہ کورس ، پی جی ڈپلوما اِن ایڈورٹائزنگ
-ایک سالہ کورس ، پی جی ڈپلوما اِن ایڈورٹائزنگ
سینٹ زیوئیرس کالج، سی ایس ٹی
-ایک  سالہ کورس ، پی جی ڈپلوما اِن ایڈورٹائزنگ
-ایک سالہ کورس ، پی جی ڈپلوما اِن ایڈورٹائزنگ
کے سی کالج مینجمنٹ اسٹڈیز، چرچ گیٹ، ممبئی ۲۰
-ایک  سالہ کورس ، پی جی ڈپلومہ اِن ایڈورٹائزنگ
درکارتعلیمی لیاقت : گریجویشن 
این ایم آئی ایم ،ایس ولے پارلے، ممبئی ۵۶۔
۲؍ سالہ پی جی ڈپلوما اِن ایڈورٹائزنگ اینڈ کمیونکشن مینجمنٹ
درکارتعلیمی لیاقت : گریجویشن 
 پوسٹ گریجویٹ ڈپلوما کورسیز جس کو کسی بھی شعبے کے گریجویٹ کر سکتے ہیں ۔ جو طلبہ گریجویشن کے بعد اس شعبے کا رُخ کرتے ہیں  ان کےلئے بھی بہترین مواقع ہیں۔فی الوقت پوسٹ گریجویٹ ہولڈرس کی زبردست مانگ ہے۔ 
تنخواہ:  فریشرس کو شروعاتی معاوضہ ۱۵؍ ہزار تا ۲۵؍ ہزار روپے  ہے بعد میں تجربہ کی بنیاد پر اور صلاحیت و کام کی بنیاد پر پچاس ہزار تا دو لاکھ روپے ماہانہ