طلبہ کی  ڈرائنگ اور پینٹنگ کی مہارت و صلاحیت پر اگر معقول توجہ دی جائے تو طلبہ کےلئے ان  شوق کے مطابق کریئر سازی میں مدد ہوگی۔ آئیے ڈرائنگ اور پینٹنگ کے شعبے کی اہمیت اور ان سے متعلق کرئیر کا جائزہ لیں۔

طلبہ کی  ڈرائنگ اور پینٹنگ کی مہارت و صلاحیت پر اگر معقول توجہ دی جائے تو طلبہ کےلئے ان  شوق کے مطابق کریئر سازی میں مدد ہوگی۔ آئیے ڈرائنگ اور پینٹنگ کے شعبے کی اہمیت اور ان سے متعلق کرئیر کا جائزہ لیں۔  فنون لطیفہ کے مطالعہ کی ایک قسم ڈرائنگ اور پینٹنگ ہے۔ ڈرائنگ اینڈ پینٹنگ ایک شوقیہ کورس ہے۔ بہت سارے طالب علم ہیں جو فنون لطیفہ میں کریئر تلاش کرنا چاہتے ہیں بالخصوص مصوری، ڈرائنگ اور پینٹنگ سے متعلق کیونکہ یہ فنون لطیفہ کے دلچسپ اور اہم مضامین میں سے ایک ہے۔ پینٹنگ کی تعلیم میں ڈگری حاصل کرنا انجینئرنگ یا میڈیکل کی طرح زیادہ مشکل نہیں ہے ، لیکن یہ اسی طرح کا ایک خاص کورس ہے۔ ڈرائنگ یا پینٹنگ کوئی تعلیمی نصاب یا صلاحیت نہیں ہے جو تربیت کے بعد آتی ہے۔ یہخداداد صلاحیت ہوتی ہے، اس سے جڑے مختلف کورس صرف اسے اس کے رموز و اوقاف، ساخت اور دیگر چیزوں سے آشنا کرتے ہیں۔ یہ کہا جاتا ہے کہ پینٹنگ اظہار کا وسیلہ ہے۔ پینٹنگ کا بنیادی اصول ’’آپ کیا سوچتے ہیں ، آپ کی پینٹنگ بیان کرے گی۔‘‘ برش یا اس طرح کے آلے کی مدد سے ، پینٹر دنیا میں کینوس پر کچھ بھی بنا سکتا ہے۔ پینٹنگ کے اہم اوزار کینوس ، برش اور رنگ ہیں۔یہ صرف کینوس تک ہی محدود نہیں ہیں بلکہ ان کا پھیلائو گلاس پینٹنگ، فیبرک پینٹنگ(کپڑوں)، پوٹری (مٹی کے برتنوں) پر پینٹنگ وغیرہ تک ہے۔ ڈرائنگ اور پینٹنگ تکنیکی پہلوؤں کے لحاظ سے بہتر ہیں جیسے تھری ڈی   پینٹنگز اور اینی میشن  وغیرہ۔ منافع بخش کریئر کے بڑھتے ہوئے آپشن کے ساتھ ، ملک  میں نوجوانوں کیلئے  اس میں بڑے مواقع ہیں۔ 
کورسیز
 بارہویں کے بعد ہندوستا ن میںپینٹنگ اور فائن آرٹس کے شعبے میں کریئر کے کئی اہم مواقع ہیں، ساتھ ہی یہ بھی یاد رکھنا ہوگا کہ اس شعبے میں مقابلہ آرائی بھی بہت زیادہ ہے اور اسی مقابلہ آرائی کی بناء پر چند ایک نئے کورسیز بھی اس شعبے میں متعارف کرائے گئے ہیں۔  
؍ ۳؍ اور ۴؍ سال پر مشتمل بارہویں کے بعد چند انڈر گریجویٹ کورسیز 
بی اے ان ڈرائنگ اینڈ پینٹنگ (آنرس)
بی اے ان پینٹنگ 
 بی ایف اے (بیچلر آف فائن آرٹس) ان پینٹنگ
بی ایف اے (اپلائیڈ آرٹس)۔
  ایک اور دو سال پر مشتمل ڈپلوما کورسیز :
ڈپلوما ان پینٹنگ جونیئر ڈپلوما کورس۔
؍ ۶؍ مہینے تا  ایک سال پر مشتمل سرٹیفکیٹ کورسیز :
سرٹیفکیٹ کورس ان پینٹنگ 
سرٹیفکیٹ ان ویژوئل آرٹس
جونیئر سرٹیفکیٹ ان فائن آرٹس۔
   ان کورسیز کے علاوہ کئی ادارے اور کالجز آن لائن کورسیز بھی فراہم کرتے ہیں ان کورسیز میں :
آن لائن فائونڈیشن کورس ان پینٹنگ
آن لائن پورٹریٹ پینٹنگ
  آن لائن ابسٹریکٹ آرٹ
آن لائن آرگینک آرٹ
آن لائن اسٹل لائف پینٹنگ  
آن لائن لینڈ اسکیپ پینٹنگ 
آن لائن آرٹ بزنس ۔ 
 بارہویں جماعت کی تکمیل کے بعد ، فنون لطیفہ میں مختلف کریئر آپشن موجود ہیں۔ کورس کے نصاب میں ، طلبہ کو کلر تھیوری، آرٹس کی تاریخ اور مصوری کی ثقافت کے بارے میں پڑھایا جاتا ہے۔ پینٹنگ میڈیا کی کچھ اقسام ہیں جیسے تیل ، پیسٹل ، ایکریلک ، واٹر کلر ، سیاہی ، گرم موم ، فریسکو ، گوچے ، تامچینی اسپرے پینٹ ، پانی سے آئل پینٹ۔ مغربی ، مشرقی ، ہندوستانی ، اسلامی اور افریقی کی طرح پینٹنگ کے چھ انداز ہیں، جبکہ عصری فن (Contemporary Art)مصوری کے جدید ترین فنون میں سے ایک ہے۔
اچھے پینٹر کیلئے کیا ضروری ہے
ہاتھ اور آنکھوں کا بہتر کوآرڈی نیشن
ملازمت کی جسمانی تقاضوں سے نمٹنے کے قابل
بہتر حس مزاح کا حامل  
 رنگوں کی بہتر پہچان nاونچائی پر کام کرنے کے قابل

آزادانہ طور پر یا ٹیم کے ایک حصے کے طور پر کام کرنے کے قابل

عملی کام میں دلچسپی ۔ وغیرہ
اہم کالجز
 ان کورسیز میں بارہویں جماعت میں کامیاب امیدوار داخلے کا اہل ہوتا ہے۔ ملک میں کئی کالج اور اداروں میں یہ کورسیز جاری ہیں، چند اداروں کا اپنا اہلیتی امتحان ہوتا ہے جس کی بنیاد پر ۳؍ یا ۴؍ برس کے ان کورسیز میں داخلے دئیے جاتے ہیں۔ چند اہم کالج/ اداروں کے نام درج ذیل ہیں ۔
 سر جے جے انسٹی ٹیوٹ آف اپلائیڈ آرٹس، ممبئی
  جو اہر لال نہروآرکیٹیکچر اینڈ فائن آرٹس یونیورسٹی، حیدرآباد
  کلا بھون (انسٹی ٹیوٹ آف آرٹس) شانتی نکیتن
  کالج آف آرٹس (دہلی) 
 گورنمنٹ مہارانی لکشمی بائی پوسٹ گریجویٹ گرلز کالج ، اندور
رابندر بھارتی یونیورسٹی (کولکتہ)
 بنارس ہندو یونیورسٹی (وارانسی)
 مذکورہ یونیورسٹیز /کالجز کے علاوہ بھی ملک کی تقریباً تمام ریاستوں میں یہ کورسیز جاری ہیں انٹرنیٹ سے آپ اپنی ریاست میں جاری ان کورسیز کے بہتر، سرکاری اور نجی کالجز کی فہرست اور ان کی فیس کی تفصیل معلوم کرسکتے ہیں۔ 
کریئر اور روزگار
  اس کورس کے اختتام تک طلبہ  نجی اور کارپوریٹ اداروں کے ذریعے میوزیم یا آرٹ گیلریوں میں ملازمت حاصل کرسکتے ہیں۔ کالجز میں بطور فیکلٹی کام کرسکتے ہیں ، یا نجی ورکشاپس اور کلاسیز بھی چلا سکتے ہیں۔آپ اس مضمون کی وجہ سے گرافک ڈیزائنر ہوسکتے ہیں کیونکہ اس کورس کے نصاب میں اینیمیشن بھی شامل ہے۔آپ سیلف ایمپلائمنٹ اور اس شعبے سے دیگر کام کرسکتے ہیںجیسے ان علاقوں میں گلاس پینٹنگ ، روایتی کینوس پینٹنگ ، برتن پر پینٹنگ ، وغیرہ۔ان کورسیز کی تکمیل کے بعد سرکاری اور نجی شعبے دونوں میں یکساں مواقع موجود ہیں۔اس شعبے میں درج ذیل حیثیتوں سے ملازمتیں موجود ہیں۔ آرٹس ایڈمنسٹریٹر  :  میوزیم اور آرٹ گیلری میں بحیثیت ناظم، منیجر کے طور پر آپ خدمات انجام دے سکتے ہیں۔  آرٹ گیلری، میوزیم، نوادرات کی لائبریری میں  نوادرات کی دیکھ ریکھ کیلئے  باقاعدہ تربیت یافتہ اسٹاف کی ضرورت ہوتی ہے۔  اسٹاف کی نگرانی کیلئے  ایک سینئر اور تجربہ کار منتظم کا تقرر کیا جاتا ہے۔ 
آرٹس ریسٹوریشن اسپیشلسٹ   :  میوزیم اور آرٹ گیلری میں پرانے زمانے کی اشیاء اور نوادرات کی حفاظت اور ان کا بہتر رکھ رکھائو بہت ضروری ہے۔ اس کام کیلئے  مخصوص صلاحیت اور ان نوادرات کی حفاظت کرنے کے کیمیکلز سے واقفیت رکھنے والے افراد کی تقرری کی جاتی ہے۔ 
وزیٹنگ آرٹسٹ  :  اگر آپ ایک آرٹسٹ ہیں تو مختلف آرٹ گیلری اور فنون لطیفہ سے متعلق پروگرام میں آپ کے تجربات سے نئے سیکھنے والوں کو استفادہ کا موقع فراہم کیا جاتا ہے اور آپ کو بحیثیت وزیٹنگ آرٹسٹ مدعو کیا جاتا ہے۔ 
کمرشیل آرٹسٹ :  ایک کمرشیل آرٹسٹ ، مختلف تصاویر، پینٹنگ، پورٹریٹ وغیرہ تیار کرتا ہے اور انہیں نمائش ، ذاتی کلیکشن کی فروخت وغیرہ کی مدد سے فروخت کرتا ہے۔ 
انٹیرئیر ڈیزائنر  :  فنون لطیفہ میں ایک اہم شاخ بحیثیت انٹیرئیر ڈیزائنر کی ہے۔ یہ ایک طرح کا اسپیشلائزیشن  ہے جس کے ذریعے گھروں، دکانوں، شاپنگ مالز، تجارتی آفس، فلم سیٹ وغیرہ کے اندرون کو بہتر بنانے کاکام کیا جاتا ہے۔
آرٹ ڈائریکٹر :  ایک آرٹ ڈائریکٹر کی حیثیت سے آپ فلموں ، ٹیلی ویژن اور ایڈ ورٹائزنگ کی دنیا میں اپنی خدمات انجام دے سکتے ہیں۔ آرٹ ڈائریکٹر کا بنیادی کام لوکیشن پر فلموں کے سیٹ تیار کرنے، کہانی اور زمانے کے لحاظ سے رنگ، اشیاء، کپڑوں اور دیگر گھریلو لوازمات کو مہیا کرنا ہوتا ہے۔ 
تدریس / ٹیچنگ :  فنون لطیفہ میں گریجویٹ افراد کی مانگ تعلیمی شعبوں میںبھی کم نہیں ہے۔ اسکولوں، کالجز، یونیورسٹی کی سطح تک ان شعبوں میں درس و تدریس کیلئے افراد کی ہمیشہ ضرورت رہی ہے اور ہمیشہ رہے گی۔ اس کے علاوہ اپنے فارغ اوقات میں آپ نوعمروں کو یہ فن سکھانے کیلئے رہنمائی کرسکتے ہیں۔ 
اینیمیشن پروگرامر  :  موجودہ  دور میں اس کورس میں اینیمیشن کی بڑھتی ہوئی مانگ کی بناء پر کئی اداروں اور کالجوں میں اینیمیشن کے کورسیز کو بھی شامل کیا گیا ہے۔ اینیمیشن کے مختلف سافٹ وئیر کی مدد سے فلموں، ٹیلی ویژن ، ایڈ فلم میکنگ وغیرہ میں ایسے فنکاروں کی بہت ضرورت ہے۔ نئے نئے خیالات کیساتھ اور جدید سافٹ وئیر کی معلومات آپ کو ایک کامیاب اینیمیشن پروگرامر بننے میں بھی مددگار ثابت ہوگی۔ 
ان شعبوں میں ملازمت کے مواقع  ہیں
درس و تدریس , اینیمیشن  , ایڈ ورٹائزنگ
,  سافٹ وئیر کمپنیز ,  آن لائن سروسیز, کپڑوں کی صنعت
 سیرامکس انڈسٹری،  ٹیکسٹائل ڈیزائننگ
, ڈیجیٹل میڈیا , ڈائریکشن,  فلم
, ٹیلی ویژن ,کپڑوں کی صنعت ,فیشن ہائوسیز 
,  گرافک ڈیزائننگ, پرنٹ میکنگ,فورینسک سروسیز 
 ڈرائنگ و پینٹنگ یا فنون لطیفہ ایک ایسا شعبہ ہے جو تخلیقی صلاحیتوں کا استعمال کرکے نئے نئے آئیڈیاز   کا استعمال کرکے دنیا کے سامنے کچھ نیا پیش کرنے کے متمنی نوجوانوں کیلئے  ہے۔ اگر آپ میں صلاحیت ہے اور کچھ کرنے کا جنون ہے تو بلاشبہ آپ اس شعبہ میں ایک کامیاب کریئر بنا سکتے ہیں۔