نوکیا برانڈ کی سرپرست کمپنی ایچ ایم ڈی گلوبل نےنوکیا کے پرانے فونز کی واپسی کے سلسلہ کو دراز کرتے ہوئے اب اعلان کیا ہے کہ کمپنی کے ۲؍ پرانے فون نئے رنگ و روپ اور جدید فیچر سے لیس ہوکر دوبارہ بازار میں پیش کئے جائیں گے

نوکیا برانڈ کی سرپرست کمپنی ایچ ایم ڈی گلوبل نےنوکیا کے پرانے فونز کی واپسی کے سلسلہ کو دراز کرتے ہوئے اب اعلان کیا ہے کہ کمپنی کے ۲؍ پرانے فون نئے رنگ و روپ اور جدید فیچر سے لیس ہوکر دوبارہ بازار میں پیش کئے جائیں گے۔ ان نئے فونز کے نام نوکیا ۶۳۰۰؍ فورجی اور نوکیا ۸۰۰۰؍فورجی  ہیں۔یہ دونوں فیچرز فونز ہیں لیکن ان  میں کوالکم اسنیپ ڈریگن۲۱۰؍ پروسیسر دیا گیا ہے۔ساتھ ہی ۵۱۲؍ ایم بی ریم ہوگی۔ ان دونوں میں کائی آپریٹنگ سسٹم دیا گیا ہے جس کی بدولت فیس بک، یوٹیوب، گوگل میپس اور گوگل اسسٹنٹ جیسی ایپس بھی استعمال کی جاسکیں گی۔نوکیا۶۳۰۰؍ میں پچھلے حصے میں ایک وی جی اے کیمرا دیا گیا ہے جبکہ نوکیا۸۰۰۰؍ میں۲؍میگا پکسل کیمرا موجود ہے۔ نوکیا۶۳۰۰؍ فور جی کی قیمت۵۸؍ ڈالر(۴۳۱۷؍روپے کم و بیش)   ہے جبکہ نوکیا ۸۰۰۰؍کی قیمت۹۳؍ ڈالر(۶۹۲۲؍روپے کم و بیش )  ہے۔یہ فونز فی الوقت یورپ میں فروخت کئے جارہے ہیں۔ ہندوستان دیگر ممالک میں یہ کب تک دستیاب ہوں گے ابھی کمپنی نے اس بارے میں کوئی اطلاع نہیں دی ہے۔ نوکیا، ۳۳۱۰؍ سمیت کئی پرانے فونز کو نئے رنگ روپ میں پیش کرچکی ہے۔