افغانی نمکین گوشت بنانے کی آسان ترکیب ملا حظہ کیجئے۔

درکار اجزاء: ایک کلو بکرے کا گوشت، چٹکی بھر اجوائن، ایک پیالی سفید سرکہ، ایک چمچہ کالی مرچ، حسب ِضرورت نمک، ایک پیالی گھی۔
بنانے کا طریقہ: ایک پیالے میں گوشت اور سرکہ ڈال کر رکھ دیں۔ تین سے چار گھنٹے کے بعد گوشت نکال کر چھلنی میں رکھ دیں۔ کچھ دیر بعد گوشت میں پانی ڈالیں اور ہلکی آنچ پر پکنے کیلئے رکھ دیں۔ دس منٹ بعد اجوائن اور کالی مرچ بھی شامل کر دیں۔ جب گوشت گل جائے، تو اسے یخنی سے نکال لیں۔ اب گھی گرم کریں، اس میں گوشت ڈالیں اور بھون لیں۔ جب بھن جائے، تو یخنی ڈال کر دس منٹ کا دم دیں۔ اسے تندوری روٹی کے ساتھ پیش کریں۔