زنگر چکن برگر بنانے کی آسان ترکیب ملاحظہ کیجئے۔

درکار اجزاء: چکن بریسٹ آدھا کلو، نمک حسب ِ ذائقہ، لال مرچ پسی ہوئی ایک چھوٹا چمچہ، کالی مرچ پسی ہوئی ایک چھوٹا چمچہ، میدہ ایک پیالی، کارن فلور آدھی پیالی، بیکنگ پاؤڈر ایک چھوٹا چمچہ، بیکنگ سوڈا آدھا چھوٹا چمچہ، انڈا ایک عدد، سادہ بن ۶؍ سے ۸؍ عدد، مایونیز، ٹومیٹو کیچپ، سلاد کے پتے اور تیل حسب ِ ضرورت۔
بنانے کا طریقہ: چکن بریسٹ کو دھو کر اسکے پارچے کاٹ لیں اور دھو کر اچھی طرح خشک کرلیں۔ بڑے پیالے میں میدہ، کارن فلور، بیکنگ پاؤڈر اور بیکنگ سوڈا لیں اور اسے بغیر پانی ملائے الیکٹرک بیٹر سے پھینٹیں۔ پھر اس کو دو حصوں میں تقسیم کرلیں۔ ایک حصے میں نمک ملا کر رکھ لیں اور دوسرے حصے میں لال مرچ، کالی مرچ ، انڈا اور پانی کا چھینٹا ڈالتے ہوئے گاڑھا سا آمیزہ بنا لیں۔ چکن کے پارچوں کو پہلے آمیزہ میں لتھیڑ لیں، پھر خشک مکسچر میں رول کرلیں۔ کڑاہی میں تیل گرم کریں اور ان پارچوں کو تیز آنچ پر سنہری فرائی کرکے نکال لیں۔ بن کو درمیان سے کاٹیں، ایک حصے پر مایونیز جبکہ دوسرے پر کیچپ لگائیں۔ ایک طرف سلاد کا پتہ رکھ کر اس پر فرائی کیا ہوا چکن رکھیں، بند کرکے گرم گرم فرنچ فرائز کیساتھ پیش کریں۔