چکن ریشمی کباب بنانے کی آسان ترکیب ملاحظہ کیجئے۔

درکار اجزاء: چکن کا قیمہ آدھا کلو، لہسن ادرک کا پیسٹ ایک چھوٹا چمچہ، پیاز ایک عدد، کالی مرچ آدھا چھوٹا چمچہ، الائچی (پسی ہوئی) ایک چھوٹا چمچہ، سفید زیرہ پاؤڈر آدھا چھوٹا چمچہ، کالا زیرہ پاؤڈر آدھا چھوٹا چمچہ، لال مرچ ایک چھوٹا چمچہ، دارچینی پاؤڈر آدھا چھوٹا چمچہ، سفید مرچ پاؤڈر آدھا چھوٹا چمچہ، کریم ۳؍ چھوٹے چمچے، دہی ۳؍ چھوٹے چمچے، بیکنگ پاؤڈر ایک چٹکی، ہری مرچ (باریک کٹی ہوئی) ۵؍ عدد، تیل ۳؍ بڑے چمچے، نمک حسب ِ ذائقہ۔
بنانے کا طریقہ: تیل کے علاوہ باقی تمام اجزاء ڈال کر اچھی طرح پیس لیں۔ اس کے بعد ہاتھوں کو تیل کی مدد سے گریس کرکے قیمے کے بالز بنا لیں اور ان کو سیخ پر لگا کر کباب کی شکل دے دیں۔ اب اسے کوئلوں پر پکائیں، بیک کرلیں یا پھر فرائی کرکے کوئلوں کا دھواں دے لیں۔ جب کباب تیار ہوجائیں تو سرونگ پلیٹ میں رکھ کر سبزیوں سے گارنش کرکے پیش کریں۔