اکبری ران بنانے کی آسان ترکیب ملاحظہ کیجئے۔

درکار اجزاء: بکرے کی ران ایک سے ڈیڑھ کلو، نمک حسب ِ ذائقہ، ادرک لہسن کا پیسٹ ۳؍ بڑے چمچے، پیاز ۲؍ عدد درمیانی، لال مرچ پسی ہوئی ایک بڑا چمچہ، کٹی ہوئی لال مرچ ایک بڑا چمچہ، کالی مرچ دردری پسی ہوئی ایک چھوٹا چمچہ، چائنیز نمک ایک چھوٹا چمچہ، ہلدی ایک چھوٹا چمچہ، پسا ہوا گرم مسالہ آدھا چھوٹا چمچہ، ہری مرچ پسی ہوئی ایک چھوٹا چمچہ، دہی ایک پیالی، ٹومیٹو کیچپ آدھی پیالی، ایچ پی سوس ۲؍ بڑے چمچے، ٹماٹر ۲؍ عدد، ہرا دھنیا آدھی گڈی، ہری مرچ ۳؍ سے ۴؍ عدد، تیل ۴؍ سے ۶؍ بڑے چمچے۔
بنانے کا طریقہ: ران کو اچھی طرح صاف دھو کر رکھ لیں، پیاز کو چوپ کرلیں۔ ٹماٹر، ہرا دھنیا اور ہری مرچ کو باریک کاٹ کر رکھ لیں۔ پھیلے ہوئے بڑے سائز کے پین میں تیل کو درمیانی آنچ پر ۲؍ سے ۳؍ منٹ گرم کریں اور اس میں پیاز ڈال کر ۵؍ سے ۷؍ منٹ فرائی کریں۔ ادرک لہسن کا پیسٹ، ہری مرچ اور ران ڈال کر اتنی دیر بھونیں کہ گوشت کا اپنا پانی خشک ہوجائے۔ پھر نمک، لال مرچ، کٹی ہوئی لال مرچ، کالی مرچ، ہلدی، چائنیز نمک اور پھینٹا ہوا دہی ڈال کر اچھی طرح ملائیں اور ڈھانک کر ہلکی آنچ پر پکنے رکھ دیں۔ جب گوشت ادھ گلا ہوجائے تو ایچ پی سوس، ٹومیٹو کیچپ اور گرم مسالہ ڈال دیں اور اچھی طرح گلنے تک پکائیں۔ اتارتے ہوئے ٹماٹر، ہرا دھنیا اور ہری مرچ سے سجا لیں۔ عیدالاضحی کے موقع پر گرم گرم شیرمال یا نان کے ساتھ نوش فرمائیں۔