چکن بریڈ رول بنانے کی آسان ترکیب ملا حظہ کیجئے۔

درکار اجزاء: پاؤ کلو اُبلاہواچکن، ایک پیکٹ بریڈ، آدھا کلو اُبلے ہوئے آلو، ایک چمچہ کالی مرچ کا پاؤڈر، ایک چمچہ ہری مرچیں پسی ہوئی ، آدھا کپ سبز دھنیا، ۳؍ عدد انڈے، ایک چمچہ زیرہ، ایک عدد لیموں، ایک کپ بریڈ کرمبس، ایک چمچہ گرم مسالہ، تلنے کیلئے تیل، حسب ذائقہ نمک۔
بنانے کا طریقہ: سب سے پہلے تیل گرم کریں۔ اس میں زیرہ، پسی ہوئی مرچیں، گرم مسالہ پاؤڈر اور چکن ڈال کر ۵؍ منٹ بھونیں۔ اب اس میں لیموں، کٹے ہوئے سبز دھنیا اور آلو مسل کر ڈالیں۔ اب اس میں نمک اورکالی مرچ پاؤڈر ڈال کر اچھی طرح ملا لیں اور چولہے سے اتار لیں۔ اب بریڈ میں اس آمیزے کو لگائیں اور بریڈ کو آدھے میں موڑ دیں۔ پھر اس کو پھینٹے ہوئے انڈے میں ڈبو کر بریڈ کرمبس لگا کر ڈیپ فرائی کرلیں۔ تیار ہے آپ کا لذیذ چکن رول۔