چکن ڈونٹس بنانے کی آسان ترکیب ملاحظہ کیجئے۔

درکار اجزاء: آلو ایک کلو (اُبال لیں)، چکن کا قیمہ آدھا کلو، میدہ ۶؍ بڑے چمچے، سفید زیرہ ایک چھوٹا چمچہ، ہری مرچ ۵؍ عدد، پیاز ایک عدد، انڈے ۲؍ عدد، کارن فلور ۴؍ بڑے چمچے، لال مرچ ایک بڑا چمچہ (کُٹی ہوئی)، ادرک لہسن کا پیسٹ ایک بڑا چمچہ، گرم مسالہ ایک چھوٹا چمچہ، ہلدی آدھا چھوٹا چمچہ، نمک حسب ِ ذائقہ، پودینہ آدھی گڈی، بریڈ کا چورا حسب ِ ضرورت اور تیل۔
بنانے کا طریقہ: بلینڈر میں تمام اجزاء (انڈا اور بریڈ کے چورے کو چھوڑ کر) ڈال کر اچھی طرح بلینڈ کر لیں۔ اب اس آمیزے کے گول شکل میں کباب بنا لیں اور کسی چیز کی مدد سے ان کے درمیان گول سوراخ کر دیں۔ چکن نگٹس کو پہلے انڈے میں ڈبو کر پھر بریڈ کے چُورے میں لپیٹ کر فرائی کر لیں۔ لذیذ ڈونٹس تیار ہیں۔ کیچ اَپ یا ساس کے ساتھ پیش کریں۔