چکن ہرا مسالا کباب بنانے کی آسان ترکیب ملا حظہ کیجئے۔

درکار اجزاء: چکن کا قیمہ آدھا کلو، ادرک لہسن کا پیسٹ ۲؍ بڑے چمچے، پیاز ایک عدد، کُٹی کالی مرچ ایک چھوٹا چمچہ، کٹی لال مرچ ایک بڑا چمچہ، سفید زیرہ ایک چھوٹا چمچہ، بیکنگ پاؤڈر ایک چٹکی، ہری مرچ ۸؍ سے ۱۰؍ عدد، ہرا دھنیا ایک گڈی، پودینہ ایک گڈی، بریڈ سلائس ایک سے ۲؍ عدد، تیل فرائی کیلئے، نمک حسب ِ ذائقہ، سلاد پتے ۵؍ سے ۶؍ عدد، ٹماٹر ۴؍ سے ۵؍ عدد، لیموں ۲؍ سے ۳؍ عدد اور پیاز ۲؍ سے ۳؍ عدد سجانے کیلئے۔ 
بنانے کا طریقہ: پہلے بلینڈر میں چکن کا قیمہ، ادرک لہسن کا پیسٹ، پیاز، کُٹی کالی مرچ، کٹی لا ل مرچ، سفید زیرہ، بیکنگ پاؤڈر، کٹی ہری مرچ، ہرا دھنیا، پودینہ، بریڈ سلائس اور نمک شامل کریں اور اچھی طرح پیس کر آمیزہ تیار کرلیں۔ ہاتھوں پر تیل لگائیں اور آمیزے کے کباب تیار کرلیں۔ فرائنگ پین میں تیل گرم کرکے کباب کو فرائی کرلیں اور نکال کر ڈش میں سجا دیں۔ سلاد کے پتے، ٹماٹر، ہری پیاز اور لیموںسے سجا کر پیش کریں۔