چکن مسالہ بنانے کی آسان ترکیب ملاحظہ کیجئے۔

درکار اجزاء: چکن ایک کلو، لہسن ۸؍ سے ۱۰؍ جوے، پیاز (موٹی کٹی ہوئی) ۲؍ عدد درمیانی، ثابت لال مرچ ۱۰؍ سے ۱۲؍ عدد، کالی مرچ (موٹی کٹی ہوئی) ایک چھوٹا چمچہ، ادرک کا ٹکڑا، دہی (پھینٹی ہوئی) ایک پیالی، سفید زیرہ ایک بڑا چمچہ، ثابت گرم مسالہ ایک بڑا چمچہ، تیل آدھی پیالی۔
بنانے کا طریقہ: سب سے پہلے چکن کو نمک، کالی مرچ اور دہی لگا کر آدھا گھنٹے کے لئے رکھ دیں۔ پیاز، ادرک، لہسن، زیرہ اور لال مرچوں کو ملا کر موٹا موٹا پیس لیں۔ دیگچی میں تیل کو ۲؍ سے ۳؍ منٹ تک درمیانی آنچ پر ہلکا گرم کرکے ثابت گرم مسالہ ڈالیں، تیل جب کڑکڑانے لگے تو پیسا ہوا مسالہ ڈال کر ۴؍ سے ۵؍ منٹ تک بھونیں۔ اب اس میں چکن ڈال کر اچھی طرح ملائیں اور ڈھانک کر درمیانی آنچ پر اتنی دیر پکائیں کہ تیل علاحدہ سے نظر آنے لگے آخر میں ہرا دھنیا چھڑک کر ۳؍ سے ۴؍ منٹ ہلکی آنچ پر پکائیں اور پھر چو لہے سے اتار لیں۔ گرما گرم پراٹھوں کے ساتھ پیش کریں۔