مچھلی کا پلاؤ بنانے کی آسان ترکیب ملاحظہ کیجئے۔

درکار اجزاء: روہو مچھلی آدھا کلو، چاول آدھا کلو، گھی ۲۰۰؍ گرام، لہسن ۲؍ گٹھی، پیاز ۲؍ عدد، سفید زیرہ اور ثابت دھنیا ملا کر ایک چھوٹا چمچہ، گرم مسالہ حسب ِ ضرورت۔
بنانے کا طریقہ: سب سے پہلے مچھلی کو اچھی طرح صاف کرکے دھو لیں اور اس کے ایک سے ٹکڑے ڈبل روٹی کے سلائس کی طرح بنا لیں۔ لہسن ۱۲۵؍ گرام چھیل کر اس میں نمک، لال مرچ، دو لونگ، سفیدہ زیرہ، شاہ زیرہ، ثابت دھنیا، ۴؍ عدد کالی مرچ اور ایک بڑی الائچی ڈال کر باریک پیس لیں، اس میں ذرا پانی ڈال کر ایک سا پیٹ تیار کرلیں۔ اب یہ پیسٹ مچھلی کے ٹکڑوں پر لگا دیں۔ لگانے کے بعد مچھلی فریج میں رکھ دیں۔ کم از کم ۲؍ گھنٹے اور زیادہ سے زیادہ دو دن، اگر آپ کو دو دن رکھنا ہو تو مچھلی فریزر میں رکھیں۔ اور اگر دو گھنٹے رکھنا ہو تو فریج میں رکھ دیں۔ اب مچھلی کو گھی میں تل لیں، مچھلی گل جائے، لیکن اس کا مسالہ سرخ رہے، ہلکی آنچ پر تلنے سے مچھلی کا مسالہ سرخ رہے گا، سیاہ ہونے نہیں پائے گا۔ اب مچھلی اتار لیں۔ چاول کو آدھ گھنٹہ کے لئے بھگو لیں، اب گھی میں پیاز بھون کر بادامی رنگ کرکے اوپر گرم مسالہ بہت تھوڑا سا ڈال دیں اور چاول سے دگنا پانی ڈال دیں۔ پانی پکنے پر اس میں چاول ڈال دیں۔ جب چاول پک جائیں اور دم دینے کے لائق ہوجائیں تو اس میں مچھلی کے تلے ہوئے ٹکڑے ڈال دیں۔ اس کا مسالہ اور گھی بھی ساتھ ہی ڈال کر دم پر لگا دیں۔ چند منٹ کے دم کے بعد مچھلی کا پلاؤ تیار ہے۔