چاکلیٹ چپ کوکیز بنانے کی آسان ترکیب ملاحظہ کیجئے۔

درکار اجزاء: میدہ ۲۶۰؍ گرام، کھانے کا سوڈا ڈیڑھ چھوٹے چمچے، نمک ایک چوتھائی چھوٹا چمچہ، مکھن ۱۷۰؍ گرام، براؤن شوگر ۲۵۰؍ گرام، انڈا ایک عدد، انڈے کی زردی ایک عدد، ونیلا ایسنس چند قطرے، چاکلیٹ چنکس ۲۵۰؍ گرام۔
بنانے کا طریقہ: پہلے میدہ، سوڈا اور نمک چھان کر رکھ لیں۔ اب ایک پیالے میں مکھن اور براؤن شوگر اچھی طرح سے مکس کرکے اس میں انڈا شامل کر دیں۔ پھر زردی کے ساتھ اس میں ونیلا ایسنس اور چاکلیٹ چنکس شامل کرنے کے بعد میدہ بھی شامل کر لیں۔ اب اس کی گولیاں بنا کر ٹرے میں رکھ دیں۔ ۱۵؍ سے ۱۷؍ منٹ کے لئے ۱۸۰؍ ڈگری سینٹی گریڈ پر اَوَن میں بیک کر لیں اور ٹھنڈا ہونے پر نوش فرمائیں۔