چھوہارے کا حلوہ بنانے کی آسان ترکیب ملا حظہ کیجئے۔

درکار اجزاء: چھوہارے آدھا کلو (رات بھر دودھ میں بھگو دیں)، دودھ ایک کلو، کیوڑا چند قطرے، چینی حسب ِ ذائقہ، چھوٹی الائچی ۵؍ عدد، گھی ایک پاؤ، اخروٹ، پستہ، بادام، کشمکش، چار مغز حسب ِ پسند۔
بنانے کا طریقہ: چھوہارے دھو کر چھری سے کاٹ کر گٹھلی نکال دیں اور ٹکڑے کاٹ کر دودھ میں بھگو دیں۔ اسی دودھ میں پکا کر گلا لیں، دودھ خشک ہوجائے تو چھوہاروں کو باریک پیس لیں۔ گھی گرم کرکے الائچی کے دانے کڑکڑائیں پھر پسے ہوئے چھوہارے ڈال کر بھونیں پھر چینی ڈال دیں۔ چینی کا پانی خشک ہونے پر کیوڑا ڈال کر آنچ بند کر دیں۔ اوپر سے تمام خشک میوہ جات سجا دیں۔ موسم سرما میں اس مزیدار حلوے کا لطف اٹھائیں۔