ڈرائڈ ڈیٹ پڈنگ بنانے کی آسان ترکیب ملاحظہ کیجئے۔

درکار اجزاء: چھوہارے ۲؍ پیالی، دودھ ۴؍ پیالی، چینی ۳؍ چوتھائی پیالی، مکھن ایک بڑا چمچہ، کیک کے ٹکڑے ۲؍ پیالی، نمک ایک چوتھائی چھوٹا چمچہ، انڈے ۳؍ عدد، کارن فلور ایک بڑا چمچہ، ونیلا ایسنس چند قطرے۔
بنانے کا طریقہ: چھوہارے رات کو دو پیالی پانی میں بھگو دیں۔ صبح ان کی گٹھلیاں نکال لیں اور ٹکڑے کرکے انہیں پڈنگ کے سانچے میں رکھ دیں۔ کیک کے ٹکڑوں کو آدھے گھنٹے کے لئے دودھ میں بھگو دیں۔ چینی، مکھن، نمک اور انڈے ملا کر خوب اچھی طرح پھینٹ لیں۔ پھر اسے کیک اور دودھ کے آمیزے میں شامل کرکے اچھی طرح پھینٹ کر چھوہارے کے اوپر ڈال دیں اور سانچے کا منہ بند کر دیں۔ ایک چوڑے منہ والی پتیلی میں اتنا پانی ڈالیں کہ سانچے کا برتن آدھا پانی کے اندر اور آدھا پانی کے باہر رہے۔ پتیلی کا ڈھکن بند کرکے چولہے پر چڑھا دیں۔ ۲۰؍ منٹ تک پکانے کے بعد سانچے کا منہ ذرا سا کھول کر سلائی یا تنکا ڈال کر دیکھیں۔ تنکا یا سلائی صاف باہر آجائے تو پڈنگ تیار ہے ورنہ مزید پکائیں۔ جب یہ جم جائے تو اتار لیں اور ٹھنڈی ہونے کے لئے رکھ دیں۔ ایک پیالی میں کارن فلور حل کرکے ہلکی آنچ پر پکائیں۔ جب گاڑھا ہو جائے تو اتار کر پڈنگ کے اوپر ڈال دیں۔ ٹھنڈا ہونے پر پیش کریں۔