ایگ بالز وِتھ ویجی ٹیبل بنانے کی آسان ترکیب ملاحظہ کیجئے۔

درکار اجزاء: انڈے ۵؍ عدد (اُبال کر بہت باریک ٹکڑے کر لیں)، آلو ایک پیالی (ابلے ہوئے چھوٹے ٹکڑے)، گاجر آدھی پیالی (کھرچ کر ابال لیں اور چھوٹے ٹکڑے کر لیں)، سبز پھلیاں آدھی پیالی (ابال کر چھوٹے ٹکڑے کر لیں)، وہائٹ سوس آدھی پیالی، تیل تلنے کے لئے، نمک اور کالی مرچ حسب ِ ذائقہ، بریڈ کرمز ۲؍ پیالی، انڈا (پھینٹا ہوا) ایک عدد۔
بنانے کا طریقہ: ایک پیالہ لیں، اس میں انڈے، سبزیاں، وہائٹ سوس، آدھے بریڈ کرمز، نمک اور کالی مرچ اچھی طرح ملا لیں۔ ساتھ ہی تیل کو تیز گرم کرنے رکھ دیں۔ اب آمیزے کے چھوٹے چھوٹے گولے بنا لیں۔ ہر گولے کو پہلے پھینٹے ہوئے انڈے میں ڈبوئیں پھر بریڈکرمز میں رول کرکے گرم تیل میں سنہری فرائی کر لیں۔ ٹومیٹو کیچپ یا چٹنی کے ساتھ پیش کریں۔