فش پلاؤ بنانے کی آسان ترکیب ملاحظہ کیجئے۔

درکار اجزاء: بغیر کانٹے کی مچھلی آدھا کلو، چاول آدھا کلو، لیموں کا رس ۲؍ بڑے چمچے، نمک حسب ِ ذائقہ، ہلدی آدھا چھوٹا چمچہ، ادرک لہسن کا پیسٹ ایک چھوٹا چمچہ، گھی ایک کپ، چوکور کٹی ہوئی پیاز ۲؍ عدد، دارچینی ایک ٹکڑا، کالی مرچ ۵؍ سے ۶؍ عدد، تیز پات ۲؍ عدد، لونگ ۶؍ سے ۷؍ عدد، چھوٹی اور بڑی الائچی ۲؍ سے ۳؍ عدد، ہری مرچ ۶؍ سے ۷؍ عدد، زیرہ، سیاہ زیرہ، ایک ایک چھوٹا چمچہ، کڑی پتہ چند عدد، گرم مسالہ پاؤڈر ایک چھوٹا چمچہ۔
بنانے کا طریقہ: مچھلی میں نمک اور لیموں کا رس لگا کر تھوڑی دیر کیلئے رکھ دیں۔ پھر نان اسٹک پین میں دھیمی آنچ پر تلیں۔ اب ایک علاحدہ برتن میں تیل گرم کریں، پیاز ڈالیں۔ ساتھ ثابت گرم مسالہ بھی شامل کریں۔ پیاز نرم ہو تو سفید زیرہ ڈالیں۔ ساتھ ہری مرچ بھی ڈال دیں۔ ادرک لہسن کا پیسٹ اور کڑی پتہ ڈالیں۔ پھر پانی شامل کریں۔ اُبال آنے پر بھیگے ہوئے چاول اور نمک ڈال دیں۔ اوپر سے پسا ہوا گرم مسالہ ڈال دیں۔ تیز آنچ پر پکائیں۔ پانی خشک ہو تو ڈھکن رکھ کر ہلکی آنچ پر دم پر رکھیں۔ دم پر رکھنے سے پہلے فرائی کی ہوئی مچھلی چاولوں کے اوپر احتیاط سے رکھیں، ۱۰؍ منٹ کے بعد نکالیں۔ رائتے کے ساتھ گرم گرم پیش کریں۔