فرنچ ٹوسٹ بنانے کی آسان ترکیب ملاحظہ کیجئے۔

درکار اجزاء: انڈے ۴؍ عدد، بریڈ کے سلائس ۶؍ عدد، دودھ ایک کپ، گھی تلنے کیلئے آدھا کپ، نارنجی کا رس پون کپ، شکر حسب ذائقہ۔
بنانے کا طریقہ: سب سے پہلے بریڈ کے سلائس لمبائی میں کاٹ لیں۔ اس کے بعد انڈے میں شکر شامل کرکے اچھی طرح پھینٹ لیں یہاں تک کہ شکر حل ہوجائے، اب اس میں نارنجی کا رس ڈالیں پھر دودھ۔ اب ایک فرائنگ پین میں گھی ڈالیں، خوب اچھا گرم ہونے پر سلائس کو انڈے اور دودھ میں بھگو کر تلتی جائیں، درمیانی آنچ پر سنہری ہونے پر پلیٹ میں نکال لیں اور ناشتے میں گرم گرم نوش فرمائیں۔ خیال رہے، فرنچ ٹوسٹ بنانے کیلئے میٹھے بریڈ کا استعمال نہیں کرنا ہے۔