ہرے مسالے کا پلاؤ بنانے کی آسان ترکیب ملاحظہ کیجئے۔

درکار اجزاء: گوشت آدھا کلو، چاول آدھا کلو، تیل ۳؍ چوتھائی کپ، پیاز درمیانی ۳؍ عدد، کڑی پتہ چند عدد، ادرک لہسن کا پیسٹ ایک سے ڈیڑھ بڑے چمچے، نمک اور ہری مرچ حسب ِ ذائقہ، ہرا دھنیا ایک گڈی، آلو ۶؍ عدد، زیرہ پسا ہوا ایک چھوٹا چمچہ، ہلدی ایک چوتھائی چھوٹا چمچہ۔
بنانے کا طریقہ: تیل میں باریک کٹی پیاز سنہری ہونے تک تل لیں۔ پھر اس میں گوشت شامل کرکے بھونیں۔ ادرک لہسن کا پیسٹ اور نمک بھی شامل کردیں۔ بھون کر پانی ڈال دیں۔ ہرا دھنیا اور ہری مرچ کو تھوڑے پانی کے ساتھ پیس لیں۔ آلو چھیل کر چار چار ٹکڑے کاٹ لیں۔ گوشت آدھا گل جائے تو آلو ڈال کر بھونیں۔ بھون جائے تو پسا ہو ا مسالہ، ہلدی، زیرہ پسا ہوا، کڑی پتے ڈال کر کچھ دیر چمچہ چلائیں پھر پانی ڈال دیں۔ گوشت اور آلو گل جائیں تو چاول کے حساب سے پانی ڈالیں اور نمک شامل کریں۔ جب پانی میں اُبال آجائے تو چاول ڈال دیں۔ چاول کا پانی سوکھ جائے تو دم پر رکھ دیں۔ لذیذ پلاؤ سلاد کے ساتھ پیش کریں۔