آئس چاکلیٹ ٹرائفل بنانے کی آسان ترکیب ملاحظہ کیجئے۔

درکار اجزاء: آئس کریم ڈیڑھ لیٹر کا پیکٹ، کاک ٹیل فروٹ ٹن ایک عدد، چاکلیٹ کدوکش کی ہوئی ایک پیالی، براؤنی ۲؍ عدد، پیلی، ہری اور لال جیلی (جما کر ٹکڑوں میں کاٹ لیں)، تازہ کریم ایک پیالی۔
بنانے کا طریقہ: براؤنی کو چھوٹے چھوٹے ٹکڑوں میں کاٹ لیں۔ آئس کریم کو پیالے میں نکال کر فریزر کے بجائے فریج میں رکھیں، تاکہ وہ کچھ نرم ہو جائے۔ اب ایک ٹرے نما ایک شفاف ڈش میں ایک تہہ آئس کریم کی اور پھر براؤنی اور فروٹ کاک ٹیل کی اس کے بعد باقی بچی ہوئی آئس کریم کی ایک تہہ لگائیں۔ اوپر سے فریش کریم کی ایک تہہ لگائیں اور پھر جیلی اور کدوکش کی ہوئی چاکلیٹ سے گارنش کرکے خوب ٹھنڈا کرکے پیش کریں۔