کھجور اور اخروٹ کا کیک بنانے کی آسان ترکیب ملاحظہ کیجئے۔

درکار اجزاء: خمیر مکس آٹا ڈھائی کپ، کھجوریں پون کپ (کتری ہوئی)، اخروٹ آدھا کپ (کترے ہوئے)، تیل ۴؍ چمچے، شکر/گڑ آدھا کپ، اسکمڈ ملک ایک چوتھائی کپ، اخروٹ سجاوٹ کے لئے۔
بنانے کا طریقہ: سب سے پہلے اَوَن کو ۳۵۰؍ ڈگری سیلیس پر گرم کریں۔ ٹن میں بیکنگ پیپر لگا کر تیار کرلیں۔ اب آٹے کو چھلنی کی مدد سے چھان لیں اور اس میں کھجوریں اور اخروٹ مکس کردیں۔ آٹے کے آمیزے میں تیل، گُڑ یا شکر اور دودھ ڈال کر انہیں اچھی طرح ملائیں۔ اس طرح سارے اجزاء اچھی طرح مکس ہو جائیں گے۔ اس آمیزے کو چمچے کی مدد سے ٹن میں بھرتے جائیں۔ چمچے کی مدد سے آمیزے کی سطح ہموار کرلیں اور اوپر سے اخروٹ چھڑک کر دبا دیں۔ کیک کو تقریباً ۴۰؍ سے ۴۵؍ منٹ تک بیک کریں۔ جب یہ سنہری براؤن ہوجائے، تو باہر نکال کر ٹھنڈا کرلیں۔ پھر چھری سے سلائسز بنا کر سرو کریں۔