مسالے دار مٹن بنانے کی آسان ترکیب ملاحظہ کیجئے۔

درکار اجزاء: بکرے کا گوشت آدھا کلو، پیاز (تلی ہوئی) ۳؍ عدد، دہی (پھینٹا ہوا) ایک پیالی، پسی ہوئی ادرک ایک بڑا چمچہ، پسی ہوئی ہلدی ایک چھوٹا چمچہ، سوکھی گول لال مرچ ۶؍ عدد، ثابت ہری مرچ ۶؍ عدد، ثابت کالی مرچ ایک چھوٹا چمچہ، لہسن (بغیر چھلے ہوئے) ۶؍ جوئے، کُٹی ہوئی کالی مرچ ایک چھوٹا چمچہ، لیموں کا رس ۲؍ بڑے چمچے، ہرا دھنیا (باریک کٹا ہوا) آدھا گڈی، گرم پانی ایک پیالی، نمک حسب ِ ذائقہ، تیل ایک پیالی۔
بنانے کا طریقہ: لال مرچ، ہری مرچ، ثابت کالی مرچ اور لہسن ملا کر کوٹ لیں۔ دیگچی میں گوشت، تیل، ہلدی، کالی مرچ، ادرک اور نمک ڈال کر گوشت کا پانی خشک ہونے تک بھونیں۔ اس میں پیاز اور ایک پیالی گرم پانی شامل کرکے گوشت گلنے تک پکائیں۔ پانی خشک ہونے لگے تو دہی اور لال مرچ والا مسالہ ڈال کر تیل علاحدہ ہونے تک بھونیں، پھر لیموں کا رس اور ہرا دھنیا ملا کر دَم پر رکھ دیں۔ ذائقہ دار مسالے دار مٹن تیار ہے۔