مٹن تکہ بنانے کی آسان ترکیب ملاحظہ کیجئے۔

درکار اجزاء: بکرے کا گوشت ایک کلو (ران والی بوٹی ہو تو زیادہ بہتر ہے)، سفید زیرہ پسا ہوا ایک چھوٹا چمچہ، کچا پپیتا پسا ہوا ایک چھوٹا چمچہ (چھلکے سمیت پیس لیں)، لیموں ۴؍ عدد، کٹی ہوئی لال مرچ ایک بڑا چمچہ، کٹی ہوئی کالی مرچ ایک چھوٹا چمچہ، نمک حسب ِ ذائقہ، تیل ۴؍ بڑے چمچے۔
بنانے کا طریقہ: گوشت میں سارے مسالے اچھی طرح لگا لیں۔ لیموں کا عرق بھی لگائیں۔ ۲؍ گھنٹے کیلئے رکھ دیں۔ پھر کوئلے والا چولہا جلا کر سیخوں پر ۳؍ سے ۴؍ بوٹی لگا کر سینک لیں۔ جب سینک جائے تو تیل لگا کر ۲؍ منٹ بعد نکال لیں اور گرم گرم پیش کریں۔