نلی نہاری بنانے کی آسان ترکیب ملاحظہ کیجئے۔

درکار اجزاء: بکرے کے پائے آدھا کلو، ادلے کا گوشت آدھا کلو، پسا ہوا گرم مسالہ ایک بڑا چمچہ، پسی ہوئی سونف ۲؍ بڑے چمچہ، سونٹھ ایک چھوٹا چمچہ، کالا نمک حسب ِ ضرورت، آٹا تین سے چار بڑے چمچے، ہری مرچ، ہرا دھنیا، اور ادرک حسب ضرورت سجاوٹ کے لئے۔
بنانے کا طریقہ: پائے میں لہسن ادرک کا آمیزہ ملائیں۔ گرم تیل میں پیاز لال کر کے الگ سے لہسن ادرک کا آمیزہ شامل کر لیں۔ اب اس میں پائے بھی ڈال دیں۔ ساتھ ہی ادلے کا گوشت اور نلیاں شامل کر کے اچھی طرح سے بھون لیں۔ پھر اس کے بعد اس میں نمک، پسی ہوئی لال مرچ، ہلدی، پسا ہوا گرم مسالا، سونف، سونٹھ اور کالا نمک ڈال کر گوشت کو گلا لیں۔ گوشت گلنے کے بعد اس میں آٹا گھول کر ڈالیں۔ ہری مرچ، ہرا دھنیا اور لیموں سے سجا کر پیش کریں۔