نمکین گوشت بنانے کی آسان ترکیب ملاحظہ کیجئے۔

درکار اجزاء: گوشت ایک کلو، تیل یا گھی ۱۰۰؍ گرام، ادرک لہسن کا پیسٹ ۲؍ بڑے چمچے، ثابت زیرہ ایک چھوٹا چمچہ، نمک حسب ِ ذائقہ، ٹماٹر ۴؍ عدد، گرم پانی ایک کپ، ہری مرچ ۶؍ عدد، کالی مرچ پاؤڈر آدھا چھوٹا چمچہ، دہی ۲؍ بڑے چمچے، ہرا دھنیا چوتھائی گڈی۔
بنانے کا طریقہ: ایک فرائنگ پین میں تیل یا گھی لیں اور اُس میں ادرک لہسن کا پیسٹ، ثابت زیرہ، گوشت اور نمک ڈال کر ۲؍ سے ۳؍ منٹ بھونیں اور پھر ۱۵؍ سے ۲۰؍ منٹ تک دَم دیں۔ اگلے مرحلے میں اس میں ٹماٹر اور گرم پانی ڈال کر ۲۵؍ سے ۳۰؍ منٹ تک دوبارہ دَم دیں۔ اب اس میں ہری مرچ، کالی مرچ پاؤڈر اور دہی ڈال کر ۱۰؍ منٹ تک بھونیں، پھر لیموں نچوڑنے کے بعد ہرا دھنیا چھڑک دیں۔ لیجئے مزیدار نمکین گوشت تیار ہے۔ نان کے ساتھ نوش فرمائیں۔